Русс нашриётига сўз боши

Саҳна ортидан ўтинг 
 
Одамларни саҳна ортидан олиб ўтинг ва уларга ўзингизнинг 
бизнесингиз қандай қурилганини кўрсатиб беринг. Тассаввур қилинг, кимдир 
сизнинг бизнесингиз ҳақида реалитий шоу суратга олмоқчи. Суратга олиш 
якунлангач улар нимани кўрсатиб беришади. Энди эса, уларни кутиб 
ўтирмасдан буни ўзингиз қилинг.
Бундай шоу кимга керак деб ўйлаяпсизми? Сиз бунга аминмисиз? 
Ҳаттоки энг зерикарли иш ҳам агар у ҳақида тўғри гапириб берилса, жуда 
қизиқарли бўлиши мумкин. Балиқ овидан ёки узоқ масофага отиш 
ишларидан зерикарлироқ яна нима бўлиши мумкин? Лекин, Discovery 
Channel ва History Channel телеканаллари бу касбларни рейтинги юқори 
шоулар: Deadliest Catch ва Ice Road Truckers шоуларига айлантиришди. 
Ҳикоя қилинаётган иш ҳавфли бўлиши шарт эмас. Одамлар ҳар қайси 
кўринишдаги бизнеснинг кичик сирларини ўрганишни яхши кўришади. 
Ҳаттоки, гап нонуштага ёрма ишлаб чиқарувчилар ҳақида кетса ҳам. Мактаб 
нонушталари, газланган сувлар, шакарли обакилар ишлаб чиқаришнинг 

---

сирлари ҳақида гапириб берадиган The Food Network’s Unwrapped кўрсатуви 
мана нима учун бу даражада машҳур. Одамлар у ёки бу бизнесни қандай 
юритилаётганига қизиқишади. Айнан шунинг учун улар заводларга 
экскурсия қилишади ва DVD да фильмлар билан бирга кадр орти 
жараёнларининг суратга олинишини томоша қилишади. Улар декорация 
қандай қурилаётгани, анимациялар қандай яратилаётгани, режиссёрлар 
актёрларни қандай кастингдан ўтказаётганини кўришни хоҳлашади. Улар 
одамлар нима учун у ёки бу қарорни қабул қилишганини билишни, кўришни 
хоҳлашади.
Сизнинг бизнесингиздаги саҳна ортини унга қизиқувчиларга очиб бериб 
сиз улар билан янги муносабатларни яратасиз. Бошқаларидан фарқ 
қилмайдиган компаниялар ўрнига улар бизнесни бошқараётган ҳақиқий 
одамларни кўришади, сизнинг сотилаётган маҳсулотингизнинг яратилишига 
қанча куч сарфланаётганини тушунишади. Сизнинг ишингизнинг туб 
моҳиятига чуқурроқ кириб, улар сиз қилаётган ишлар учун сизни 
қадрлашади.