Рта махсус таълим вазирлиги Ўзбекистон республикаси

Йилда уч маротаба пилла боқиш учун озуқа базаси қандай яратиладик
Вазирлар Маҳкамасининг 2017 йил 11 августдаги "2017-2021 йилларда пиллачилик тармоғини комплекс ривожлантириш чора-тадбирлари тўғрисида"ги қарорига кўра, йилига икки ва ундан кўп марта пилла ҳосили етиштириш белгиланган.
Қарор ижросини таъминлаш учун вилоятдаги пиллани қайта ишлаш корхоналарига янги интенсив тутзорлар барпо қилиш мақсадида 521 гектар ер ажратилди. Ҳозиргача ушбу майдонларнинг 93 гектарида интенсив тутзорлар барпо қилинди. 2018 йил куз ҳамда 2019 йилнинг баҳор ойларида яна 423 гектар майдонда интенсив янги тутзорлар яратилади. Ушбу тутзорларда 10-25-50 қути ипак қурти парваришланадиган қуртхоналар ташкил қилинмоқда. Бугунгача барча туманларда 29 та қуртхона қурилди. Бу қуртхоналарда 2019 йилги мавсумдан бошлаб уч марта ипак қурти парваришланади.
Жумладан, Самарқанд туманида тутчиликка ихтисослаштирилган "Шаҳноза Комила Азизжон" фермер хўжалиги ташкил қилиниб, 54,5 гектар ер майдони ажратилди. Бу ерда вилоят пилла озуқа базасини мустаҳкамлаш ва янги интенсив тутзорлар ташкил этиш учун тут кўчатлари ва тут ниҳоллари парваришлаш йўлга қўйилди.
Шунингдек, пилла етиштирувчилар мурожаати бўйича тут кўчатлари, асбоб-анжомлар ва қўшимча даромад олиш учун бепул парранда берилиши йўлга қўйилди ҳамда доимий ишловчи пиллачи иш ўринлари яратилди.
Самарқандда ҳам пиллани қайта ишлаш кластерлари ташкил этиладимик
Албатта, бу каби илғор технологияни вилоятимиз пиллачилик соҳасида ҳам жорий қилиш режалаштирилган ва бу борада ишлар олиб борилмоқда. Вилоятимиздаги қайта ишлаш корхоналарида пиллани тайёрлаш, хомашёсини қайта ишлаш, ипак толаси, ипак калава ва тайёр маҳсулот ҳолида хорижга экспорт қилиш жараёнларига босқичма-босқич ўтиш режалаштирилган. Ҳозирда ипак толаси ва ипак момиғи экспортга чиқарилмоқда.
Хорижий давлатлар билан ҳамкорлик, соҳага инновацион лойиҳалар ва малакали кадрларни жалб этиш борасида қандай ишлар олиб борилмоқдак
Самарқанд шаҳрида Хитой билан ҳамкорликда 2 миллион АҚШ доллари миқдорида инвестиция жалб этилиб, "Самарқанд Тян Жу Силк Ворм" қўшма корхонаси ташкил этилди. Мазкур корхонада Хитой технологияси асосида жаҳон бозорида харидоргир бўлган ипак қурти уруғлари тайёрланади. Жорий йилда мазкур корхонада 10 минг қути саноат ипак қурти уруғи тайёрланди. Пиллани қайта ишлаш корхоналари томонидан хорижий давлатлар, хусусан, Хитойдан ипак йигириш, калава тайёрлаш ва сунъий даста ишлаб чиқариш бўйича дастгоҳлар келтирилмоқда. 2018-2019 йилларда Тошкент давлат аграр университети ҳамда Тошкент тўқимачилик ва енгил саноат институтида соҳага тегишли таълим йўналишларида талабалар сиртқи ўқиши ташкил этилди. Ушбу мутахассислар ёрдамида юртимизда пиллачилик соҳасини янада ривожлантириш бўйича ишлар олиб борилмоқда.