Ўрта махсус, касб-хунар

 
Турбобур ёрдамида бурғилаш ва унинг афзалликлари. 
Турбобур ёрдамида бурғилашда бурғилаш тизмаси айланмайди, аммо 
қудуқ туби двигателидан реактив айланиш моментини қабул қилади ва 
қудуқ тубига насосдан берилаётган гидравлик энергияни етказади. Бурғига 
айланма харакат - бурғилаш эритмаси оқими харакатга келтирадиган 
турбобур вали орқали берилади. Турбобур ёрдамида бурғилашда қудуқ 
тубига қувватни узатиш учун фақат битта канал ишлайди. Турбобур
бурғининг устига жойлашган бўлади ва бурғилаш эритмаси оқими ҳосил 
қиладиган гидравлик энергияни – механик энергияга айлантирадиган 
машина ҳисобланади. Турбобурнинг харакатланучи қисми бўлиб гидравлик 
турбина ҳисобланади.
Турбобур билан бурғилаш 2 га бўлинади: 
1. Гидродинамик 
2. Гидростатик усулда 
Гидродинамик усулда бурғилашга турбобурлар киради. 

---

63 
Телеграм каналимиз: @ng_uz (Neft va Gaz KITI) 
Гидростатик усулда бурғилашга винтли қудуқ туби двигателлари 
киради. Электр токи билан ишлайдиган двигателлар электробурлар 
дейилади. 
Турбобурлар 1-секцияли, 2- секцияли ва 3-секцияли бўлади. Секциялар
бир-бири билан боғланади. Турбобурлар эса шлипслар орқали уланади. 
Статорлар турбобур корпуси билан мустахкам бирлашади. 
Роторлар турбобур вали билан мустахкам бирлашади. 
33-расм. Турбинанинг харакати. 
Суюқлик статорнинг каналидан чиқиб, роторнинг каналига ўтганда бир 
хил тезлик билан, бир хил бурчак ташкил қилиб, уни харакатга келтиради. 
Суюқликни статорга киришидаги нисбий тезлиги, уни чиқишдаги тезлиги
билан бир хил бўлади. Турбобур корпуси боғловчи орқали бурғилаш 
тизмасига уланади, тизма эса бошқарувчи қувур ва ротор вкладиши орқали 
реактив айланиш моментини қотирилган ротор столига узатади. 
Қудуқ танаси қийшиқ ва қудуқ чуқур бўлганда барча реактив моменти 
ёки уни бир қисми қудуқ деворларига узатилади. Турбобур резьбаларининг 
ечилиб кетишини олдини олиш мақсадида барча резьбали боғланишлар 
айланиш моментига қараб қотирилади. Турбобур валига боғловчи, 
калибратор ва бурғи уланади.