Ro‘yxatga olindi №

O‘quv-uslubiy boshqarma boshlig‘i ____________ К.Yаdgarov

I. O`quv fanining dolzarbligi va oliy kasbiy ta`limdagi o`rni

Nazariy mexanika mexanik harakatlarni o‘rganishda, yangi mexanizmlarni loyihalashda, kuzatuv va tajriba yo‘li bilan olingan natijalarni tahlil qilishda asosiy nazariy qurollardan biri hisoblanadi. Bo‘lajak mexanik ilmiy-tadqiqotlar va tajribalarni amalga oshirish faoliyatida mexanik sistemalarda kechadigan jarayonlarni asosiy qonunlar va prinsiplarga tayangan holda o‘rganishni, tahlil qilishni, bilishi zarur. “Nazariy mexanika” fani aynan shunday ko‘nikma va bilimlarni berishi lozim bo‘lgan fan hisoblanadi.

“Nazariy mexanika” umumiykasbiy fanlardan biri bo‘lib, mexanikaga tegishli boshqa fanlarning asosida yotadi. Mazkur fanni o‘zlashtirish uchun o‘quv rejasidagi “Matematik tahlil,” “Geometriya”, “Algebra” va "Differensial tenglamalar” fanlaridan yetarli bilim va ko‘nikmalarga ega bo‘lishlari talab etiladi. Mazkur fandan olingan bilimlar matematik usullarni aniq fizik jarayonlarni o‘rganishda keng qo‘llanilib, bo‘lgusi mutaxassislarda ko‘nikma va malakasini shakllanishnda muhim o‘rin tutadi.