Rо‘yxatga olindi №

Фанининг мақсади ва вазифалари
Фан ўқитилишининг мақсади - бўлажак мутахассисларга ҳар қандай фавқулодда вазиятларда (табиий, техноген, экологик тусдаги) фуқаролар ва ҳудудларни муҳофаза қилиш, жароҳат олганларга бирламчи тиббии ёрдам бериш ҳамда иқтисодиёт тармоқларини ва моддий бойликларни зарарланишдан сақлаш қоидаларини ўргатиш, атрофдаги бутун борлик бир-бири билан узвий боғлиқ эканлигини англатишдан иборат.
Ўқув фанини ўрганишнинг асосий вазифалари: табиатни асосий қонунлари билан таништириш, табиий офатларни келиб чиқишини (сель,тўфон, зилзила ва ҳ.к.,), инсоният фаолияти атроф муҳитга таъсири (иқлим ўзгариши, чўлланиш ва б.) ва фавқулодда вазиятларга олиб келиши, фуқароларни фавқулодца вазиятлардан ҳимояланиш усулларига ўргатиш, фавқулодда вазиятларда фуқаролар муҳофазасини ва моддий бойликларни асрашни ташкил этиш, иқтисодиёт тармоқлари барқарор ишлашини таьминлаш, экстремал вазиятларда аҳолининг ҳаёт фаолияти хавфсизлигини таьминлаш, шикастланган ҳудудларда қуткарув ва бирламчи тиклов ишларини ўтказиш, талафот олганларга бирламчи тиббий ёрдам кўрсатиш ва бошқа муҳим вазифаларни бажара оладиган билим, кўникма ва касбий малакага эга инсонни тарбиялашга қаратилган.
Фан бўйича талабалариннг билими, кўникма ва малакасига қўйиладиган талаблар
Ушбу вазифалардан келиб чиқиб «Фавқулодда вазиятлар ва фуқаро муҳофазаси» ўқув фанини ўзлаштириш жараёнида амалга ошириладиган масалалар доирасида бакалавр:

• 
  Ўзбекистон Республикаси, ҳамдўстлик давлатлари, бошқа етакчи давлатлардаги фуқаро муҳофазасининг ҳозирги пайтидаги масалалари;
  
• 
  Ўзбекистон Республикаси фавқулодда ҳолатларда давлат тизимида фуқаро муҳофазасининг ўрни ва вазифалари;
  
• 
  Ўзбекистон Республикаси ҳудудида содир бўлиши эҳтимол бўлган табиий, техноген ва экологик хусусиятли фавқулодда вазиятларнинг умумий тавсиялари;
  
• 
  Геологик жараёнлар, тоғ жинослари ва ер ости сувлари таркиби, хусусиятлари;
  
• 
  рўй бериши мумкин бўлган фавқулодда вазиятларнинг уларнинг олдини олиш, талафотларни камайтириш (юмшатиш) ва оқибатларини бартараф этиш;
  
• 
  фуқаро муҳофазаси соҳаси бўйича илмий-текшириш ишларидаги асосий йўналишлар