Rо‘yxatga olindi №

Ўзбекистонда кузатиладиган табиий офатлар ва уларнинг оқибатлари. Ер силкиниши, тупроқ, қор кўчкилари, сув тошқини, кучли шамоллар, қурғоқчилик ва сел ҳодисаси офатлари, уларнинг сабаблари, хусусиятлари, келтирадиган талафотлари ва ҳар бир катастрофик ўчокда олиб бориладиган чора-тадбирлар.
Техноген тусдаги фавқулодда вазиятлар ва уларнинг оқибатлари. Техноген тусдаги фавқулодда вазиятлар, уларнинг келиб чиқиш сабаблари, ҳусусиятлари ва шикастланиш ўчоқларида фуқароларнинг хатти-ҳаракатлари. Фожиали ҳодиса (катастрофа) ва унинг оқибатлари.
Экологик тусдаги фавқулодда вазиятлар ва уларнинг оқибатлари. Экологик тусдаги фавқулодда вазиятлар, уларнинг келиб чиқиш сабаблари, ҳусусиятлари. Атмосфера, гидросфера ва тупроқ структурасининг ифлосланишига қарши олиб бориладиган омиллар. Инсон фаолиятини амалга оширишга имкон берадиган, тоғ жинсларга, ер ости сувларга таъсир этувчи мухандислик усуллар.
Терроризм ва аҳоли муҳофазаси. Терроризм хусусидаги умумий тушунчалар, терроризмнинг хавфли иллатлари ва уларга қарши кураш тадбирлари.
Фавқулодда вазиятларда фуқаро муҳофазаси тадбирларини режалаштириш. Аҳоли ва ҳудудларни муҳофаза қилиш режалари, уларнинг тузилиши. Режага қўйиладиган талаблар, уни тузиш учун дастлабки маълумотлар.
Фуқароларни муҳофаза қилишнинг асослари ва хусусиятлари. Фавқулодда вазиятларда фуқароларни муҳофаза қилишнинг услублари, уларнинг хусусиятлари.
Иқтисодиёт тармоқлари барқарор ишлашининг асослари. Барқарорлик тушунчалари. Фавқулодда вазиятларда иқтисодиёт тармоқлари барқарор ишлашининг моҳияти, барқарорликни ошириш омиллари.
Аҳолини, фавқулодда вазиятлар давлат тизими (ФВДТ) куч ва воситаларини фавқулодда вазиятларга тайёрлаш. Аҳолини фуқаро муҳофазасига ўқитишнинг тамойил ва услублари. Ўзбекистон аҳолисини тоифа бўйича фуқаро муҳофазасига ўқитиш қоидалари, амалий машғулотларни ташкил этиш ва ўтказиш тартиблари.
Фавқулодда ҳолатларда иқтисодиёт тармоқларида қуткарув ва бирламчи тиклов ишларини ташкил этиш. Ҳар қандай экстремал вазиятларда қутқарув ва тиклов омилларини ишлаб чиқиш, шикастланган ўчоқларда қутқарув ва бирламчи тиклов ишларини олиб бориш усуллари ва тартиблари. Талофат олган фуқароларга бирламчи тиббий ёрдам кўрсатиш қоидалари.