Ro’yxatga olindi: №2021 yil “ ”

-keng bilim saviyasiga ega bo‘lish, barcha sohalarga doir bilimlar bilan kurollanishi;
-yosh pedagogik psixologik, ijtimoiy psixologiya va pedagogika yosh fiziologiyasi hamda maktab gigiyenasidan chuqur bilimlarga ega bo‘lishi;
-o‘zi dars beradigan fan bo‘yicha mustahkam bilimga ega bo‘lib, o‘z kasbi sohasida jahon fanida erishilgan yutuq va kamchiliklardan xabardor bo‘lishi;
-ta’lim va tarbiya metodikasini egallashi;
-o‘z ishiga iqtisodiy yondashishi;
-bolalarni bilishi, uning ichki dunyosini tushuna olishi;
-pedagogik texnikani (mantiq, nutq; ta’limning ifodali vositalari) va pedagogik taktga ega bo‘lishi;
-o‘qituvchining o‘z bilim va pedagogik mahoratini doimiy ravishda oshirib borishi;
Ko‘pchilik psixologlar shu bilan birga o‘zbekistonlik psixolog olimlar tomonidan olib borilgan tadqiqotlarda zamonaviy o‘qituvchilar uchun zarur xislatlarni aniqlab olish imkoniyatini beradi. Rus psixologlaridan N.V. Kuzmina, V.Slastenin, F.N.Gonobolin o‘zbek psixologlaridan R.Z.Gaynutdinov, M.G.Davletshin, S.Jalilova, A.Jabborov, M.Karejaova va boshqalar tomonidan olib borilgan ilmiy tadqiqotlar o‘qituvchilik kasbining turli jixatlarini atroflicha keng batafsil ko‘rsatib berish imkoniyatini yaratadi. Bevosita o‘qituvchi shaxsiga taalluqli bo‘lgan professiogramaga asosiy e’tibor qaratilgan. Professiograma - ma’lum tizimga keltirilgan, mehnatni psixologik tomondan o‘rganishga va undan kelgusi amaliy faoliyatda foydalanishga qaratilgan qisqa va har tomonlama batafsil ko‘rsatib berilgan hujjat. Professiograma psixologik jixatidan ishlab chiqarilgan faoliyatni tavsifnomasining kelgusi amaliy ishlar uchun zarur bo‘lgan barcha tomonlarini o‘z ichiga olishi kerak.
M.G.Davletshin rahbarligida psixologik tadqiqot ishlarini olib borgan M.Abdullajonova, YE.Gladkova, A.Mashkurov, T.Xamraqulov, E.Xidirov va boshqalarning ilmiy izlanishlari o‘zbek tili va adabiyoti, o‘zbek maktablarida rus tili va adabiyoti, matematika, jismoniy tarbiya o‘qituvchilari va maktabgacha tarbiya muassasalarining tarbiyachilari kabi qator mutaxassisliklar bo‘yicha o‘qituvchi professiogramasining taxminiy modelini (namunasini) aniqlab olish imkoniyatini berdi.
Har bir mutaxassislik bo‘yicha o‘qituvchining ixtisoslashgan tavsifnomasini nazarda tutgan professiogramasi tuziladi, Jumladan, maktabning o‘qituvchi-murabbiysi professiogramasini misol qilib keltiramiz. Professiogramada muhim xislatlar borgan sari bir muncha ortib borishini hisobga olgan holda o‘qituvchining quyidagi xislatlarini ko‘rsatib o‘tish lozim:
1. O‘qituvchining shaxsiy xislatlari:

• 
  bolalarni yaxshi ko‘rish, ularni sevish;
  
• 
  amaliy psixologik aql-farosatlilik;
  

-mehnatsevarlik;

• 
  jamoat ishlarida faollik;
  
• 
  mehribonlik;
  
• 
  kamtarinlik;
  
• 
  odamiylik, dilkashlik;
  
• 
  uddaburonlik_: mustahkam xarakterga ega bo‘lish;
  
• 
  o‘z bilimini oshirishga intilish.