Fanni o‘qitishda zamonaviy axborot va pedagogik texnologiyalar
Talabalarning “Buxgalteriya hisobi” fanini o‘zlashtirishlari uchun o‘qitishning zamonaviy usullaridan foydalanish, yangi informatsion - pedagogik texnologiyalarni tadbik qilish muhim ahamiyatga ega. Ta’lim jarayoniga yangi axborot-kommunikatsiya va pedogogik texnologiyalarni, elektron darsliklar va multimedia vositalarini keng joriy etish orkali o‘qitish sifatini yanada tubdan yaxshilash asosiy vazifalardan biri hisoblanadi. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, pedogogik texnologiyalar, tarkatma materiallar, elektron materiallardan foydalaniladi. Ma’ruza va amaliy mashgulotlarda mavzularga mos ravishda ilg‘or pedagogik texnologiyalar, shuningdek, kompyuter dasturlaridan (1S: Buxgalteriya, Buxgalteriya (VS), Balans, Microsoft Excel, Microsoft PowerPoint), slaydlardan, multimedia vositalaridan, internet saxifalari va tizimlaridan foydalanish tavsiya etiladi.
Mavzularni o’tishda “Zinama-zina”, “Insert”, “Blits-so’rov”, “Klaster”, “Baliq skleti”, “Aqliy hujum”, amaliy mashg’ulotlarda “Zig-zag”, “Guruhlarda ishlash”, “T-jadval”, “Esse”, “Assisment” kabi yangi pedagogik texnologiyaning zamonaviy usullaridan foydalaniladi.
Shahsga yo’naltirilgan ta’lim. Bu ta’lim o’z mohiyatiga ko’ra ta’lim jarayonining barcha ishtirokchilarini to’laqonli rivojlanishlarini ko’zda tutadi. Bu esa ta’limni loyihalashtirilayotganda, albatta, ma’lum bir ta’lim oluvchining shahsini emas, avvalo, kelgusidagi mutahassislik faoliyati bilan bog’lik o’qish maqsadlaridan kelib chiqqan holda yondoshilishni nazarda tutadi.
Tizimli yondashuv. Ta’lim tehnologiyasi tizimning barcha belgilarini o’zida mujassam etmog’i lozim: jarayonning mantiqiyligi, uning barcha bo’g’imlarini o’zaro bog’langanligi, yaxlitligi.
Faoliyatga yo’naltirilgan yondashuv. Shahsning jarayonli sifatlarini shakllantirishga, ta’lim oluvchining faoliyatni aktivlashtirish va intensivlashtirish, o’quv jarayonida uning barcha qobiliyati va imkoniyatlari, tashabbuskorligini ochishga yo’naltirilgan ta’limni ifodalaydi.
Dialogik yondashuv. Bu yondoshuv o’quv munosabatlarini yaratish zaruriyatini bildiradi. Uning natijasida shahsning o’z-o’zini faollashtirishi va o’z-o’zini ko’rsata olishi kabi ijodiy faoliyati kuchayadi.
Hamkorlikdagi ta’limni tashkil etish. Demokratik, tenglik, ta’lim beruvchi va ta’lim oluvchi faoliyat mazmunini shakllantirishda va erishilgan natijalarni baholashda birgalikda ishlashni joriy etishga e’tiborni qaratish zarurligini bildiradi.
Muammoli ta’lim. Ta’lim mazmunini muammoli tarzda taqdim qilish orqali ta’lim oluvchi faoliyatini aktivlashtirish usullaridan biri. Bunda ilmiy bilimni ob’ektiv qarama-qarshiligi va uni hal etish usullarini, dialektik mushoxadani shakllantirish va rivojlantirishni, amaliy faoliyatga ularni ijodiy tarzda qo’llashni mustaqil ijodiy faoliyati ta’minlanadi.
Axborotni taqdim qilishning zamonaviy vositalari va usullarini qo’llash - yangi kompyuter va ahborot tehnologiyalarini o’quv jarayoniga qo’llash.
Do'stlaringiz bilan baham: |