Romitan tumani hokimi qarori

Туман ҳокими М.Олимов





Боғитуркон қишлоқ фуқаролар йиғини Марзия маҳалла фуқаролар йиғини ҳудудида “Ромитан Сарбон Йўл Қурилиш” МЧЖ томонидан қуриб битказилган “Қишлоқ хўжалик техникалари ва автомобилларга сиқилган газ тўлдириш компрессор шахобчаси” биноларини фойдаланишга қабул қилиш бўйича Давлат қабул комиссиясининг далолатномасини тасдиқлаш тўғрисида

Ромитан туман ҳокими томонидан тайинланган Давлат қабул комиссиясининг 2013 йил 5 октябрдаги далолатномасини кўриб чиқиб

Қ А Р О Р Қ И Л А М А Н:

1. Боғитуркон қишлоқ фуқаролар йиғини Марзия маҳалла фуқаролар йиғини ҳудудида “Ромитан Сарбон Йўл Курилиш” МЧЖ томонидан қуриб битказилган “Қишлоқ хўжалик техникалари ва автомобилларга сиқилган газ тўлдириш компрессор шахобчаси” биноларини фойдаланишга қабул қилиш бўйича Давлат қабул комиссиясининг 2013 йил 5 октябрдаги далолатномаси тасдиқлансин.

2. Фойдаланишга қабул қилинган “Қишлоқ хўжалик техникалари ва автомобилларга сиқилган газ тўлдириш компрессор шахобчаси” биноларининг умумий ер майдони 7000 м2, қурилиш ости майдони 815,85 м2 дан иборат бўлган бино ва жойлашган ер майдони “Ромитан Сарбон Йўл Курилиш” МЧЖ га доимий фойдаланиш учун бириктириб берилсин.

3. Туман “Ер тузиш ,рўйхатдан ўтказиш ва кўчмас мулк кадастр хизмати ” ДУК (С.Мақсудов)га ушбу бино ва иншоотларни кадастр рўйхатидан ўтказиш топширилсин.

4. Ушбу қарорни бажарилишини назорат қилиш туман ҳокимининг биринчи ўринбосари Ф.Ҳакимов зиммасига юклатилсин.

Туман ҳокими М.Олимов


Туман аҳоли пунктларида аҳоли томонидан қурилган газ қувурларини фойдаланишга қабул қилиш бўйича ишчи қабул комиссиясининг далолатномасини тасдиқлаш тўғрисида
“Ғарбгазтаъминот” унитар корхонасининг ишчи гуруҳи томонидан фойдаланишга қабул қилинган далолатномаларини кўриб чиқиб


Қ А Р О Р Қ И Л А М А Н:

1. Боғитуркон ҚФЙ Ҳазортут қишлоғида аҳоли томонидан тортилган d-76ммли 54 метр юқори босимли газ қувурлари ва 1 та ГМП , Ромитан ҚФЙ Қарағона қишлоғида аҳоли томонидан тортилган d-89 ммли 166 метр юқори босимли газ қувурлари ва 1 дона ГМП, Челонғу ҚФЙ Қарахони қишлоғида аҳоли томонидан тортилган d-57 ммли 5 метр ўрта босимли, d-57 ммли 110 метр, d-32 ммли 130 метр паст босимли газ қувурлари ва 1 дона ГМПни, Ромитан ҚФЙ Мўзадўзон қишлоғида аҳоли томонидан тортилган d-57 ммли 10 метр юқори босимли, d-57 ммли 245 метр паст босимли газ қувурлари ва 1 дона ГМП жами 720 метр газ қувури ҳамда 4 дона ГМП ларни фойдаланишга қабул қилиш бўйича ишчи қабул комиссиясининг далолатномаси тасдиқлансин.

2.“Ғарбгазтаъминот” унитар корхонаси “Ромитангаз” филиали (Н.Қосимов)га фойдаланишга қабул қилинган газ қувуриларини статистик ҳисоботга киритиш вазифаси юклатилсин.
3.Ушбу қарорни бажарилишини назорат қилиш туман ҳокимининг биринчи ўринбосари Ф.Ҳакимов зиммасига юклатилсин.