Рўйхати махсус саволлар

Савол:
Вазиятга ҳуқуқий баҳо беринг.
Участка нозирининг ҳаркатларига ҳуқуқий баҳо беринг.


9-казус
Тергов органи томонидан фуқаро А.Н. ўғирлик жиноятини содир этилганлиги ҳолати юзасидан сўроқ қилинган бўлиб, у ушбу жиноятни содир этишда айбланиши мумкинлиги, агарда у ўзини айбсиз деб ҳисоблайдиган бўлса, тергов органига қисқа муддатларда ўзининг айбизлигини исботлаши шартлиги билдирилган.
Тергов органининг ҳаракатларини муҳокама қилинг. Гумон қилинувчи ҳимояланишининг муҳим кафолати ҳисобланган омилларни ёритинг.


10-казус
Фуқаро А.В. Ўзбекистон Республикаси Адлия вазирлиги ҳузурида Давлат хизматлари агентлиги ташкил этилганлигидан хабардор бўлиб, аҳолига давлат хизматлари кўрсатиш тартиби ва турлари ҳақида маълумот беришни сўраб ўзи яшайдиган тумандаги адлия бўлимига мурожаат қилди. Бироқ, туман адлия бўлими томонидан унга аҳолига давлат хизматлари кўрсатиш билан туман адлия бўлими шуғулланмаслиги маълум қилиниб, фуқаро А.В.га ҳуқуқий тушунтириш берилди.
Вазиятга баҳо беринг ва туман адлия бўлими томонидан берилган тушунтиришнинг мазмунини ёритиб беринг.


11-казус.
2019 йил 10 октябрда “Ёшлик” маҳалласида яшовчи фуқаро Д.Каримов қўшниси фуқаро Б.Қаршиевнинг уйида фохишахона ташкил этилганлиги тўғрисида М.Ф.Й. раисига ҳабар берди. Лекин М.Ф.Й. раиси ушбу ҳолатга эътиборсизлик билан қараб, бундай масалалар билан шуғулланиш М.Ф.Й. раиси ваколат доирасига кирмаслигини таъкидлаб ўтди. Фуқаро Д.Каримов “Ёшлик” М.Ф.Й. раисининг бундай эътиборсизлик билдирганлиги сабабли прокуратура органига шикоят аризасини ёзди. Прокуратура органи ушбу масала уларнинг ваколати доирасига кирмайди деб мурожаатни қайтариб юборди. Шундан сўнг, фуқаро Д.Каримов фуқаролик ишлари бўйича судга шикоят қилди.
Савол:
Вазиятга ҳуқуқий баҳо беринг.
Мазкур ҳолатда “Ёшлик” М.Ф.Й. қандай ҳуқуқ ва мажбуриятлари мавжуд. Фуқаро Д. қандай харакат қилиши керак эди.