Рўйхатга олинган

ТОВАР-МОДДИЙ ЗАҲИРАЛАРНИ БАҲОЛАШ

7. Товар-моддий заҳиралар мазкур Стандартнинг 8-13-бандларида белгиланган таннархдан ёки сотишнинг соф қийматидан энг кам баҳо бўйича баҳоланади.

ТОВАР-МОДДИЙ ЗАҲИРАЛАРНИНГ ТАННАРХИ

Сотиб олиш харажатлари

Махсулот (ишлар, хизматлар) ишлаб чиқариш харажатлари (тугалланмаган ишлаб чиқариш)
Бошқа харажатлар

8. Товар-моддий заҳираларнинг таннархи барча сотиб олиш харажатларини ва Товар-моддий заҳираларни манзилига етказиб бериш ва тегишли ҳолатга келтириш билан боглиқ бўлган транспорт-тайёрлов харажатларини ўз ичига олади.

Сотиб олиш харажатлари

9. Товар-моддий заҳираларни сотиб олиш харажатлари сотиб олиш қийматини, импорт божлари ва йигимларни, маҳсулотни сертификация қилиш харажатларини, таъминот, воситачи ташкилотларга тўланган комиссион тўловларни, солиқларни (кейинчалик ҳисоб-китоб тарзида, масалан, қўшилган қиймат солиги тарзида қайтадан оладиган корхоналардан ташқари), шунингдек транспорт-тайёрлов харажатлари, хизмат ва заҳираларни сотиб олиш билан бевосита боглиқ бўлган бошқа харажатларни ўз ичига олади. Савдо дисконтлари, сийловлари ва шунга ўхшаш бошқа чегирмалар Товар-моддий заҳираларни сотиб олиш харажатларини белгилашда амалга оширилади.

Маҳсулот (ишлар, хизматлар) ишлаб чиқариш харажатлари (тугалланмаган ишлаб чиқариш)

10. Маҳсулот (ишлар, хизматлар) ишлаб чиқариш харажатлари бевосита ва билвосита, ўзгарувчан ва доимий ишлаб чиқариш харажатларини ўз ичига олади.

Бевосита харажатлар - битта маҳсулот ишлаб чиқариш билан бевосита боглиқ харажатлардир, шу жумладан:
- ишлаб чиқариш моддий харажатлари;
- асосий ишлаб чиқаришдаги ишчилар меҳнатига ҳақ тўлаш харажатлари;
- ишлаб чиқаришга тааллуқли ижтимоий сугурта учун ажратмалар.
Ушбу харажатлар ўзгарувчандир, чунки уларнинг миқдори ишлаб чиқариш ҳажмининг ўзгариши билан бевосита боглиқдир.
Билвосита харажатлар - ёрдамчи ишчиларга вақтбай иш ҳақи тўлаш, ишлаб чиқариш асосий воситаларининг амортизацияси, ишлаб чиқариш асосий воситаларини сақлаш, жорий ва капитал ремонт қилиш ва маҳсулот ҳажмининг ўзгаришидан қатъи назар нисбатан доимий бўлиб қоладиган бошқа харажатлар сингари ишлаб чиқариш жараёнига хизмат кўрсатиш билан боглиқ ишлаб чиқариш аҳамиятидаги харажатлардир.