Ризоуддин ибн фахриддиннинг ижтимоий-маърифий фаолияти

ACADEMIC RESEARCH IN EDUCATIONAL SCIENCES 
VOLUME 2 | ISSUE 4 | 2021 
ISSN: 2181-1385 
Scientific Journal Impact Factor (SJIF) 2021: 5.723 
DOI: 10.24411/2181-1385-2021-00552 
Academic Research, Uzbekistan 5  www.ares.uz 
 
АДАБИЁТЛАР ТАҲЛИЛИ ВА МЕТОДОЛОГИЯ
Ризоуддин ибн Фахриддин шахсияти ва илмий-ижодий фаолияти кенг 
миқёсли бўлиб, у бир вақтнинг ўзида тарихчи, манбашунос олим, исломий 
илмлар билимдони, педагог, таржимон, файласуф ва муҳаддис олим эди. Ш у 
боисдан ҳам унинг илмий-ижодий фаолияти билан жуда кўплаб тадқиқотчилар 
жиддий қизиқиб келган. Жумладан Зуфер Касими, Абдулкайюм Беҳмани, 
Фатиҳ Карими, Аяз Ишаки, Али Раҳим Азиз Убайдуллин, Зариф Башири, 
Жамолиддин Валади, Закир ал-Қодири, Меҳмет Гўрмез, А. Баттал Таймас, 
Муҳаммад Гайнуллин, Вели Аҳмет Ҳаким, М.Ф. Раҳимкулова, Надир Давлет, 
Фарид Шукуров, Исмоил Рамиев, Раиф Мардонов, Аброр Каримуллин, Акдес 
Нимет Курат, Ринат Кҳазиев, Бунямин Эрул ва бошқа бир қатор олимлар 
Ризоуддин 
ибн 
Фахриддиннинг 
илмий-ижодий 
фаолияти 
хусусан 
ҳадисшунослик сохасида амалга оширган ишлари ҳақида тадқиқотлар олиб 
борган.
Ризоуддин ибн Фахриддин ижтимоий-маърифий қарашларини ўзи 
муҳаррирлик қилган “Шўро” журнали орқали бериб борган. Журналнинг илк 
сони 1908 йилнинг 10 январ куни чоп этилган. Ризоуддин ибн Фахриддин ушбу 
журналнинг ташкил этилишидаги маслак ва мақсадга тўхталиб қуйидагиларни 
ёзади: “Ҳақ таолонинг ёдами ила ушбу “Шўро” мажмуасини ёзишга ва тартиб 
этишга киришдик. “Шўро”нинг маслаги эса кучи етганича Россия 
мусулмонларининг саодатлари учун хизмат қилишдан иборат бўлиб, мақсади 
эса ўқувчиларни рози этиш учун сабот ва ғайрат кўрсатишдан иборатдир.
“Шўро” миллатни илмли, маърифатли этмоқ ҳақида машварат мажлиси 
бўлажакдир. Истаган кимса ушбу мажлисда сўйлайди, истаган кимса 
тинглайди. Шахсият ва арзлардан ҳоли бўлиш ва миллат, халқ манфаатларини 
ифодалаб ёзилган мақолалар учун журналнинг саҳифалари барчага очиқдир. 
қоидаларга риоя қилинган ҳолда ёзилган танқидларни “Шўро қабул этади” [1].