1.
ҚУРИШ-ЯСАШ ВA МАТЕМАТИКА МAРКAЗИ
Қуриш –ясаш бола фаолиятидаги мураккаб турдаги фаолиятдан бири
ҳисобланади. Бунда биз катталарнинг бадиий, техник конструктив
алоқаларини кўрамиз.
Инсон-бу яратувчи куч. Бу унинг шахсиятидаги асосий сифатларидан
биридир. Болада ижодкорлик хислати кичик ёшдан шакллана бошлайди . Бу
ижодкорлик қуриш-ясаш фаолиятида намоён бўлади. Қуриш-ясаш ва
математика маркази болаларга бинолар қуриш, баландлик нима, оғирлик нима
эканлигини англаш имконини беради. У болаларнинг математик
қобилиятларини
ривожлантиришга,
ижтимоий
кўникмаларни
ҳосил
қилишларига ёрдамлашади. Шунингдек ушбу марказда ижодий ёндашишни
намойиш этиш ва бажариладиган ишларга болалар диққатини жалб этишни
ўргатиш мумкин. Қуриш-ясаш фаолияти боланинг майда мушакларини
ривожлантиради, болада ўйин фаолиятининг шаклланишига ижобий таъсир
этади.
Фаолиятнинг бу турида бола зурурий жиҳозни танлашни, ўз режаларини
амалга оширишни, предметнинг ҳажми, фазода жойлашувини, рангини, ўз
ҳаракатини ўртоқларининг ҳаракатига мослаштиришни ўрганади. Қуриш-ясаш
фаолияти жараёнида бола тайёр, шакл жиҳатдан мутаносиб қисмларни
жамлаб, ўзи ёқтирган ва унга қувонч бағишлайдиган иншоот ёки конструкция
ясайди. Фан ва техниканинг шиддат билан ривожланиши болаларга билим
беришнинг янгича усулларидан фойдаланишни талаб этмоқда. МТТда
боланинг математик тасаввурларга эга бўлиши учун қуриш-ясаш,
конструкциялаш ва математика марказидан фойдаланилади. Бола учун
предметнинг сифати эмас, сони муҳимроқ ҳисобланади. Болалар турли
катталикдаги ва шаклдаги конструктор блокларидан фойдаланган ҳолда
биргаликда(жамоавий) ёки айри(якка) ҳолда ўйнайдилар.
Қуриш-ясаш ва математика марказида болалар ижодкорликни намойиш
этиш ва бажариладиган ишга диққатни жалб этишни ўрганишлари мумкин.
Ушбу марказга тарбиячилар, болалар ва ота – оналар истак-хоҳиши билан
кўплаб турли нарсаларни–ўйинчоқ машиналар, юк машиналари, одамлар ва
ҳайвонларнинг шаклчалари, самолётлар, газлама бўлакларини тўплаш
мумкин.
Болаларга илк математик кўникмалар берилади. Болалар мустаҳкам
фойдали математик билимларни ўзларини ўраб турган дунёдан оладилар.
Ушбу марказда бошқотирма ва конструктор каби болалар йиғиши ва сочиб
ташлаши мумкин бўлган нарсалар тўпланади. Бу ерда, шунингдек,
болаларнинг бир хилда таққослашлари, турлича таснифлашлари, санашлари
учун ёрдам берадиган ўйинлар ҳам бўлиши керак. Бундай материаллар ҳам
ақлий қобилиятни ўстиради, ҳам нозик ҳаракатланишни ривожлантиради, ҳам
ўз-ўзини бошқаришни ўргатади. Материаллар билан ўртоқлашиш, келишиш ва
муаммоларни ҳал этиш зарурати ижтимоий кўникмалар ривожланишига олиб
келади.
Do'stlaringiz bilan baham: |