Rik Hurmatli talabalar!

 
Fan yakunida talabalar quyidagi malaka va ko‘nikmalarga ega bo‘lishadi: 
•
hozirgi o‘zbek tili sintaktik sathi va paradigmalari, sintaktik birliklarning lisoniy 
imkoniyatlari, sintaktik birliklarning tasnifi va ilmiy asoslari, lisoniy sintaktik imkoniyatlarning nutqiy 
voqelanishi, o‘zbek tili punktuatsiyasi to‘g‘risida aniq tasavvur va bilimga; 
•
o‘zbek tili sintaktik birliklarining lisoniy, substansial imkoniyatlarini aniqlash asoslari va 
usullari, sintaktik imkoniyatlarning nutqiy voqelanishida lisoniy, shaxsiy va pragmatik omillarning 
o‘rni hamda hamkorligi asoslari, punktuatsiya me’yorlarining ilmiy mezonlaridan amalda foydalanish 
va tahlil qilish ko‘nikmasiga;
•
hozirgi o‘zbek tili lisoniy imkoniyatlari, xususan, lisoniy sintaktik imkoniyatlarini turli nutq 
uslublarida, nutqiy vaziyat va sharoitga bog‘liq ravishda mustaqil va samarali ishga solish malakasiga. 
 
Ma’ruza mashg‘ulotlari 
Ma’ruza mashg‘ulotlari katta sig‘imli, multimedia qurilmalari bilan jihozlangan o‘quv 
auditoriyalarida olib boriladi. 
 
Amaliy mashg‘ulotlar 
Amaliy mashg‘ulotlar multimedia qurilmalari bilan jihozlangan auditoriyada, har bir akademik 
guruhga alohida o‘tiladi. Mashg‘ulotlar faol va interfaol usullar yordamida o‘tiladi, “Keys-stadi” 
texnologiyasi ishlatiladi. Ko‘rgazmali materiallar va axborotlar multimedia qurilmalari yordamida 
uzatiladi. Shuningdek, amaliy mashg‘ulotlar mavzularidan kelib chiqqan holda, maktab, kollej, muzey, 
ARMda sayyor darslar tashkil etiladi.
 
Mustaqil ta’lim 
Mustaqil o‘zlashtiriladigan mavzular bo‘yicha talabalar tomonidan quyidagi vazifalar bajariladi: 
1.Fanga doir adabiyotlar, elektron resurslarni o‘zlashtirib, tushunchalar konspektini yozish.
2. Mustaqil ta’lim mavzulari bo‘yicha taqdimot tayyorlash. 
3. Mavzuga doir masalalarning xorijiy va milliy tilshunoslikdagi tadqiqiga oid ilmiy asarlar bilan 
tanishish va qiyosiy tahlilini tezislar shaklida bayon etish.
4. O‘rganilayotgan masalalar bo‘yicha tezis, maqola yoki ma’ruza tayyorlash. 
5. Mavzularni o‘rganishda grafikli organayzerlardan foydalanish. 
6. Til birliklari (hodisalari) qo‘llanilishiga doir dalillar to‘plash va tahlil qilish. 
7. Mavzu yuzasidan dars ishlanmalari, loyihalar, ijodiy tafakkurni o‘stirishga qaratilgan o‘quv 
topshiriqlari, keys va nostandart test namunalarini tayyorlash.