Restoran biznesini shakllanishining o’ziga xos xususiyatlari

Sanitariya va gigiyena talablariga mosligi. O‘rganishlar va kuzatuvlar shuni ko‘rsatdiki, ovqatlanish korxonalari epidemiologik jihatdan o‘ta xavfli guruhga kiruvchi korxonalar bo‘lganligi sababli, «Coriander » restoranida ham sanitariya va gigiyena qoidalariga rioya etish masalalariga katta e‘tibor qaratilgan. Bu borada har bir uchastkada mas‘ul xodimlar belgilangan bo‘lib, ular doimiy ravishda o‘zlarining xodimlari bilan instruktajlar o‘tkazib turadi va sanitariya holati bo‘yicha nazoral qilib boradi. Xuddi shuningdek har bir ishchi xodim o‘zining ish o‘rni bo‘yicha mas‘ul hisoblanadi. Bu holat korxona rahbariyati tomonidan ham nazorat qilib boriladi. Qisqa qilib aytganda korxonaning sanitariya holati korxonada yaxshi yo‘lga qo‘yilgan. Ishchi va xodimlarning gigiyenasiga kelsak ular ham shaxsiy gigiyena qoidalariga rioya qilishadi, maxsus kiyim kiyishadi va kiyimlar doimo ozoda va dazmollangan holatda bo‘ladi. Korxonaning barcha xodimlari belgilangan muddatlarda tibbiyot ko‘rigidan o‘tishadi va bu haqda tibbiyot kitobchalarida qayt ettiriladi. Umuman olganda korxonaning sanitariya va gigiyena talablariga rioya etish darajasi qoniqarli darajada deb aytsak xato bo‘lmaydi.