Restoran biznesini shakllanishining o’ziga xos xususiyatlari

2– jadval

Ovqatlanish zalidagi o`tish yo`laklarining kengligi, m.

T.r	O`tish yo`laklari	Ovqatlanish oshxona	Korxonasi, restoran	Turlari kofe
1.	Asosiy	1,35	1,50	1,2
2.	Qo`shimcha: xo`randalar oqimini taqsimlash yo`lagi	1,2	1.2	0,9
3.	Alohida o`ringa kelish yo`lagi	6,6	0,6	0,4

Yuqoridagilardan kelib chiqib shunday xulosaga keldikki, darhaqiqat ovqatlanish korxonalarida foydalaniladigan texnologik jihozlarni to`g`ri va ratsional joylashtirish o`z navbatida restoran faoliyatining samarali bo`lishi uchun xizmat qiladi.

Taomlar assortimentining minimum talablariga mosligi. Ovqatlanish korxonalarga qo‘yiladigan asosiy talablardan biri ularda tayyorlanadigan taom va kulinar maxsulotlarning har bir ovqatlanish korxonasing turi uchun belgilangan taomlar assortimenti minimumiga mosligi bilan belgilanadi. Shu bois, «Coriander » restoranida tayyorlanayotgan taom va kulinar maxsulotlar assortimentlarini uning taomnomasi bo‘yicha tahlil qilganimizda va standart ko‘rsatkichlar bilan taqqoslaganimizda «Coriander » restoranidagi tayyorlanadigan taomlar assortimenti ham restoranlar uchun belgilangan «Assortimentlar minimumi»dagi ko`rsatkichlardan kam emasligi aniqlandi. Yuqoridagilardan xulosa qilish mumkinki restoranda tayyorlanadigan taomlar assortimenti bo‘yicha belgilangan talablarga to‘laqonli javob beradi. Lekin restoranning turistlar ovqatlanishini tashkil etishdagi o‘rnini hisobga oladigan bo‘lsak, u holda restoran taomnomasidan tashrif buyuradigan turistlarning milliy taomlari ham joy olishi uning nufuzini yanada oshirish uchun xizmat qiladi. Shu bois, restoran rahbariyati kelajakda taomnoma tuzishda ushbu taklifni hisobga olsa korxona nufuzi yanada oshishiga sabab bo‘ladi.