Республикаси олий ва ўрта махсус таълим вазирлиги

Офсет битими – илгари очилган фьючерс шартномасига нисбатан қарама-қарши йўналишдаги битим.
Контанго – жорий фьючерс нархи базис активнинг жорий спот-нархидан баланд бўлган вазият.
Бэквардейшн – жорий фьючерс нархи базис активнинг жорий спот- нархидан паст бўлган вазият.
Одатда, фьючерс шартномаси бўйича савдо унинг тугашидан 1 йил олдин очилади ва то ижро санасига қадар юритилади. Бунда, базис активнинг келажакдаги нархи борасида бозор кутишларига қараб жорий фьючерс нархи базис активнинг спот-нархидан («бэквардейшн» вазияти) ёки, аксинча, ундан юқори бўлиши мумкин («контанго» вазияти).
Шартноманинг тугаш муддати қисқариб бориши билан фьючерс нархи базис активнинг спот-нархига яқинлашиб боради. Фьючерс шартномаси ижро этиладиган пайтда базис активнинг фьючерс нархи доимо унинг спот-нархига тенг бўлади, акс ҳолда арбитраж операциялар амалга ошириш (базис активни спот-бозорда харид қилиш ёки сотиш, фьючерс шартнома тузиш ва уни зудлик билан бошқа нархда ижро этиш) имконияти мавжуд бўлади.
Бироқ, умуман олганда, қайд этиш жоизки, фьючерс бозорида арбитраж операциялар амалга ошириш учун имкониятлар (форвард бозор билан таққослаганда) анча камроқ. Бу, биринчи навбатда, фьючерс шартномалар ликвидлик даражасининг юқори эканлиги билан боғлиқ. Бундан ташқари, савдо қатнашчиларининг позицияларини кундалик қайта баҳолаш ва счетда кафолат таъминотини қўллаб-қувватлаш зарурати олдиндан белгиланган муддатга қайд қилинган суммада пул маблағларини қарз олиш ва инвестиция қилишга имкон бермайди, бу эса амалда олиш мумкин бўлган арбитраж фойдасини нолга олиб келади.
Фьючерс шартномаларини хеджирлаш, умуман олганда, форвард шартномаларини хеджирлаш билан бир хилда амалга оширилади, бироқ фьючерс бозорида зарур базис активга шартнома йўқ бўлган вазият вужудга келиши мумкин. Бу ҳолатда хеджер турдош (нарх корреляцияси даражаси юқорироқ) базис активга фьючерс шартномаси бўйича позиция очиши мумкин²⁴. Бундай стратегия «кросс-хеджирлаш» номини олган.