Республикаси олий ва ўрта махсус таълим вазирлиги

Капиталлаштириш индекслари (чамалаб кўрилган) – уларнинг қимматли қоғозлари индексни ҳисоб-китоб қилиш учун фойдаланиладиган корхоналар капиталлашувини ўлчайди.
Нарх индекслари (чамалаб кўрилмаган) – индекс базавий рўйхатига кирадиган компаниялар акцияларининг ўртача арифметик қийматлари сифатида ҳисоблаб чиқилади.
Ушбу индекслар турига қуйидагилар киради: энг машҳур Доу Джонс саноат индекси (DJIA), Доу Джонс бошқа индекслари, Токио фонд биржасининг Nikkei-225 индекси.

Дунёдаги энг машҳур фонд индекслари

АҚШ
Доу-Джонс индекси (Dow Jones Industrial Average) 1897 йил пайдо бўлган, ҳозирги кўринишда 1928 йилдан бери ҳисоблаб чиқилади. Номида
«саноат» сўзи бор эканлигига қарамай, унинг таркибига ҳозирда хизматлар соҳаси компаниялари ва банклар ҳам киради. 30 та энг йирик корпорация акциялари нархининг ўртача арифметик кўрсаткичи сифатида ҳисоблаб чиқилади. Бу Wall Street Journal газетаси муҳаррири ва Dow Jones & Company компанияси асосчиси Чарльз Доу (Charles Dow) томонидан яратилган бир нечта биржа индексларидан биридир.
Standard&Poor's – бозор капиталлашуви бўйича чамалаб кўрилган ҳамда АҚШнинг энг йирик 100 та ва 500 та корпорациялари акциялари бўйича ҳисоблаб чиқиладиган индекслар. Бу индекслар оиласига шунингдек, 90 та тармоқ индекси ҳам киради. Ҳисоб-китоб услубиятининг умумийлиги (бир хиллиги) иқтисодиётнинг турли секторлари бўйича маълумотларни осонлик билан таққослаш имконини беради. Ҳисоб-китоб 1941–1943 йиллардан бошлаб юритилади, бошланғич кўрсаткич – 10. S&P-500 қуйидаги пропорцияда тақдим этиладиган бозор қиймати бўйича чамалаб кўрилган 500 та корпорация индексларини ифодалайди: 400 та саноат корпорацияси, 20 та транспорт, 40 та молия ва 40 та коммунал компаниялар. Унинг таркибига асосан Нью-Йорк фонд биржасида рўйхатга олинган компаниялар акциялари киритилади, лекин, шунингдек, NASDAQ биржасида котировка қилинадиган айрим корпорацияларнинг акциялари ҳам кузатилади.
Nasdaq – бу ҳам бутун бошли индекслар оиласи. Юқори технологияли компанияларга ихтисослашган шу номдаги биржада савдо қилинадиган акциялар бўйича ҳисоблаб чиқилади.
Буюк Британия