Республикаси олий ва ўрта махсус таълим вазирлиги

11.27-расм. Momentum осциллятори, кириш нуқталари ва сигналлар

Нисбий куч индекси – RSI
RSI индикатори кичик Ж.Уилдер (Welles J.Wilder Jr.) томонидан ишлаб чиқилган ва 1978 йил «Техник савдо тизимларида янги концепциялар» китобида чоп этилган. RSI индикатори яратиш заруратини муаллиф ўша пайтлар етакчи бўлган Momentum индикатори камчиликлари билан асослаб берган.
Нисбий куч индекси ҳозирги кунда энг оммавий осцилляторлардан бири ҳисобланади. Унинг асосида эҳтимоллар назариясининг нархлар йўналиши бир томонга (ўсиш ёки пасайиш томонига) кетма-кетликдаги кўп сонли такрорланиш эҳтимоли паст эканлиги ҳақидаги қоидаси ётади. Осцилляторнинг асосий тамойили – бозорнинг психологик ортиқча харид қилингани ёки ортиқча сотилганидир. Трейдерлар бир нечта кетма-кетликдаги нарх ўсишини кўрган пайтда улар позицияга унчалик хушламай киради, яъни уларнинг фаоллиги пасаяди. Демак, бозорнинг бурилиш эҳтимоли юқори бўлади.
Стохастик осциллятор ва Чайкин осциллятори бундан олдингилар билан бир хил тамойилда, фақат кичик аниқлаштиришлар билан бирга тузилган, шу сабабли алоҳида кўриб чиқилмайди.

Моделлаштириш

Механик савдо тизимлари

Механик савдо тизимлари тузиш қоидалари ва умумий тушунчаси

Трейдинг амалиётига турли савдо тизимлари, хусусан, механик тизимлар тузиш киради.
Савдо тизими – бу позицияларни очиш ёки ёпиш ҳақида қарор уларга мувофиқ қабул қилинадиган қоидалар тўплами. Одатда, савдо тизими қуйидаги ҳаракатларни бажариш учун қоидалар ёки шартлар тўпламини ўз ичига олади:
–узун позиция очиш/ёпиш;
–қисқа позиция очиш/ёпиш.
Механик савдо тизими – бу савдо жараёнларини қисман ёки тўлиқ автоматлаштириш учун мўлжалланган дастур.

Афзалликлар

1. 
   Тезлик. Компьютерлар масалаларни бажариш тезлиги борасида инсондан бир неча марта устун ҳисобланади.
   
2. 
   Аниқлик. Компьютер қарор қабул қилиш учун зарур бўлган кўрсаткичларни анча аниқроқ ҳисоблаб чиқишга қодир.
   
3. 
   Интизом. Ҳисоблаш машинаси инсон омили (ҳис-туйғулар, чарчоқ, эътиборсизлик ва ҳ.к.) истисно қилинадиган алгоритмга аниқ риоя қилади, шу сабабли белгиланган қоидаларни ҳеч қачон бузмайди.
   
4. 
   Баҳо (нарх). Савдо жараёнини автоматлаштириш кўпинча худди шу ишни бажарадиган таҳлил билан шуғулланувчи мутахассисдан кўра арзонга тушади.