Республикамизда истиқлол йилларида иқтисодиётнинг соха ва тармоқларида кўплаб ютуқларга эришиб келинмоқда

Тадқиқот предмети. Ушбу тадқиқот ишининг предмети аудиторлик текширувлари давомида аудиторлик далиллар ва уларни олиш усулларида содир бўладиган иқтисодий муносабатлар мажмуасидан иборат.
Тадқиқот обьекти. Ўзбекистон Республикасида фаолият юритувчи хўжалик субьектлари сифатида фаолият кўрсатиб келаётган аудиторлик ташкилотлари тадқиқот обьекти бўлиб ҳисобланади.
Тадқиқотнинг назарий ва услубий асослари бўлиб, Ўзбекистон Республикасининг Қонунлари, Ўзбекистон Республикаси Президентининг фармонлари ва қароролари, Вазирлар Махкамаси қарорлари, Ўзбекистон Республикаси Президенти И.А. Каримов асарлари, нутқлари ва мақолаларида иқтисодий ислоҳотларни чуқурларштириш, мамлакатда иқтисодий муносабатларини ривожлан­тириш ва аудиторлик фаолиятини такомиллаштиришга оид масалалари бўйича баён этган теран фикрлари диссертация ишининг назарий асосини ташкил қилади.
Ўзбекистон Республикаси Молия Вазирлиги, мамлакатимизда фаолият кўрсатаётган ҳўжалик юритувчи субъектлар ва аудиторлик ташкилотларининг маълумотлари ва хужжатлари, иқтисодчи олимларнинг эксперт баҳолари, илмий изланиш натижалари, илмий адабиётларда ва матбуотда эълон қилинган маълумотлар ва тадқиқотчининг ўз ҳисоб-китоб маълумотлари илмий тадқиқот ишининг базаси ҳасобланади.
Тадқиқот усуллари. Тадқиқотда тизимли ва назарий ёндашиш, компютер дастурлари, қиёсий таҳлил, кузатиш, умумлаштириш, гурухлаш, таққослаш, индукция, дедукция ва бошқа иқтисодий-статистик усуллардан фойдаланилди.
Тадқиқотнинг илмий янгилиги. Иқтисодий ислоҳотларнинг эркинлаштириш шароитида аудиторлик текшируви жараёнида аудиторлик далилларни олиш усулларини ўзига хос томонларини очиб бериш билан боғлиқ мавжуд муаммоларни назарий жиҳатдан асослаш ва уларнинг ечимини ишлаб чиқишдан иборатдир.
Тадқиқотнинг илмий янгилиги қуйидагиларда ўз ифодасини топган:

• 
  аудиторлик тизимларини шакллантириш хусусиятлари аниқланди ва
  

аудит ўтказиш жараёнларининг хуқуқий негизини яратиш ёрдамида таклифлар берилди;

• 
  аудиторлик амалларининг аудиторлик далилларни олишдаги амалий
  

ахамияти ўрганиб чиқилди;

• 
  етарли аудиторлик далилларни олишда олдинги аудитлар пайтида олинган тажриба, текширилаётган модданинг муҳимлиги, аудиторлик муолажаларининг натижалари, жумладан аниқланиши мумкин бўлган товламачилик ва хато каби омиллар ўрганиб чиқилди;
  
• 
  далилларни олишда аудиторлик таваккалчилигига баҳо бериш ва таваккалчиликни мақбул бўлган паст даражагача пасайтиришга қаратилган аудиторлик муолажаларини ишлаб чиқиш учун керакли бўлган касбий мулохазалардан келиб чиқиши такомиллаштирилди;
  
• 
  аудиторлик далилларни олишда аудитнинг халқаро стандарталарининг ўзига хослиги очиб берилди ва миллий стандартлар уйғунлигида далил олиш масалалари бўйича илмий таклифлар берилди;
  
• 
  аудиторлик далиллар ва уларни олиш усулларининг такомиллаштириш йўналишлари ишлаб чиқилди.