Respublikamiz mustaqillikka erishgandan so’ng neft, gaz konlarining ishlab chiqish jarayonini boshqarish uchun ilmiy innovastion hamda zamonaviy axborot-kommunikastiya texnologiyalaridan foydalanishga e’tibor qaratildi

Muammoning o‘rganilganlik darajasi. . Keyingi yillarda neft konlarining ishlab chiqish jarayonini ifodalovchi matematik modellarni ishlab chiqish va ularni sonli hisoblash usullarini yaratish bir qator olimlar: Ramirez F.M, Hang B.T., Henriques A., Apeland O., Wennemo S.E., X.Aziz, E.Settari, I.A.Charniy, B.B.Lapuk, S.N.Zakirov, Yu.P.Korataev, V.N.Shelkachev, M.A.Guseynzade, M.S.Xantush V.D. Lisenko va boshqalarning ishida ko’rib chiqildi.

O’zbekistonda F.B.Abutaliev, S.N.Nazarov, U.S.Nazarov, N.M.Muxitdinov, R.S.Sa’dullaev, I.Alimov, Sh.Qayumov, T.E.Pirnazarova va boshqalar suyuqlik (neft, suv) filtrastiyasi masalasining matematik modellarini va hisoblash usullarini ishlab chiqishga katta hissa qo’shganlar.

Hozirgi kungacha neft konlarini ishlab chiqishning turli masalalarini echish imkonini beruvchi matematik modellar, hisoblash algoritmlari va dasturiy majmualar yaratilgan. Shunga qaramay, neft konlarini ishlab chiқish jarayonlarini boshqarish, bashoratlash va tahlil qilish imkonini beruvchi matematik modellar hamda kompyuter modellarini yaratish muammolari etarli darajada o’rganilmagan.

Dissertasiya mavzusining dissertasiya bajarilayotgan ilmiy-tadqiqot muassasasining ilmiy-tadqiqot ishlari bilan bog‘liqligi. Mazkur dissertasiya tadqiqoti Toshkent axborot texnologiyalari universiteti huzuridagi Dasturiy mahsulotlar va apparat-dasturiy majmualar yaratish markazi ilmiy-tadqiqot ishlari bilan bog‘liqligi quyidagi loyihalarda aks ettirilgan: A-5-009 «Fil'tratsiya masalalari va yer osti qorishtirish jarayonida eritma xarakatlari uchun matematik modellar, algoritmlar hamda dasturiy vositalar ishlab chiqarish» mavzusidagi amaliy tadqiqotlar ilmiy loyihasi bo‘yicha olib borilgan izlanishlar (2015-2021) asosida bajarilgan.