Республика Узбекистан

Майдалаш даражалари

Дастлабки махсулот бўлакларини майдалаш боскичларидан кейинги ўлчамлари фарқига майдалаш даражаси дейилади. Майдалаш даражалари майдалагичларнинг турларидан қатъий назар уларни унумдорлиги ва электр токининг сарфланишига богликдир. Майдалаш даражаси – майдалаш жараёнида фойдали қазилмаларнинг неча марта кичрайганлигини кўрсатиши бир нечта формулалар билан аниқланади. Майдалаш жараёнларининг майдалаш даражаси билан бахоланади. Майдалаш даражаси дастлабки махсулот катталиги ва майдалагичдан кейин чикадиган махсулотнинг катталиги билан аниқланади:
(1)
Бу ерда S - майдалаш даражаси
D max – дастлабки махсулотнинг энг катта ўлчами
dmax – майдаланган махсулот таркибидаги энг катта бўлак ўлчами Dmax ва dmax ларни – курс лойихаларини ечишда ёки хисоб амалларини бажариш вактида D₁ ва D₁₁ деб юритамиз.


1.3.1. Майдалаш машиналарининг турлари

Майдалагичларнинг таснифи

Майдалагичлар тузилишига қараб қуйидаги турларга бўлинади:
1.Жағли майдалагичлар (щековые дробилки)
2.Конусли майдалагичлар (конусные дробилки)
3.Жўвали майдалагичлар (валковые дробилки)
4.Болғали майдалагичлар (молотковые дробилки) ва х.к.
Жағли майдалагичларда майдалаш жараёнлари қўзғалмас ва қўзғалувчан жағлар орасида хом ашъёнинг майдаланиши ҳисобига амалга оширилади. Майдалагич жағлари силлик ёки майда тишли бўлади. Бу жағлар майдалагичларнинг турларига қараб оддий ва мураккаб харакатланади. Жағли майдалагичлар асосан биринчи босқич майдалашда ва бойитиш фабрикасининг унумдорлиги катта бўлган холларда қўлланилади. Бундай майдалаш машиналарининг бир неча хил маркадаги турлари мавжуд бўлиб, бу фойдали қазилмаларни физик хоссаларига асосланган холда танланади.
Конусли майдалагичларда майдалаш жараёнлари кўзғалмас ва кўзғалувчн эксцентрик айланадиган конуслар орасида хом ашёнинг узлуксиз майдаланиши натижасида амалга оширилади. Бундай майдалагичларнинг бир нечта тулари мавжуд бўлиб. уч боскичли майдалашда қўллаш мумкин. Уларни қуйидаги турлари мавжуд: катта ўлчамда майдаловчи конусли майдалагич (ККД); ўртача ўлчамда майдаловчи конусли майдалагич (КСД); ва майда ўлчамда майдаловчи конусли майдалагич(КМД).