Respublika Ta'lim Markazi

Kashta chok turlaridan namunalar.

Ranglar moslashuvi bo‘yicha aylanasi.

Kashta tikish uchun asbob va moslamalar

Qo‘lda kashta tikish uchun oddiy asboblar kerak. Bular: igna, angishvona, qaychi, santimetr, o‘tkir uchli dukcha, chambarakdan iborat. Bundan tashqari, millimetrli qog‘oz, kalka, nusxa ko‘chirish qog‘ozi kerak bo‘ladi.
Ignaning ko‘zi qancha katta bo‘lsa, unga shuncha ko‘p qavat ipni o‘tkazish oson bo‘ladi. Gazlamaning qalin-yupqaligiga qarab igna tanlanadi.
Angishvona o‘ng qo‘lning o‘rta barmog‘iga taqiladi. U barmoqni siqib yoki undan tushib qolmasligi kerak.
Qaychi. Ishlash uchun uch xil qaychi ishlatiladi. Uchi ingichka qaychi gazlamadagi ipni qirqish va tortib olib tashlash uchun; uchi qayrilgan o‘rtacha kattalikdagi qaychi kashta tikayotganda ip uchini qirqish uchun kerak. Katta qaychi esa gazlama va kalava iplarni qirqish uchun ishlatiladi. Qaychilar yaxshi charxlangan, tig‘lari to‘la yopiladigan bo‘lishi lozim.
Uchli dukcha qaychi oq tekis kashta tikishda teshikchalar hosil qilishda ishlatiladi.
Chambarak qaychi gazlamani tarang tortib turish va surilib ketishining oldini olish uchun qo‘llaniladi.