Respublika ta’lim markazi

Psixomotor, funksional hamda amaliy faoliyat turlarini bajarishdagi operatsion kompetensiya:
A1
o‘z mehnat harakatlarini o‘quv topshiriqlari asosida muntazam takrorlay oladi; egallagan hayotiy odob-axloq qoidalari, mehnatsevarlikka oid asosiy tushunchalarga rioya eta oladi.
A1+
hunarmandlarning qo‘l mehnatiga oid bilimini umumlashtirgan holda amaliy vazifalarni bajara oladi.
To‘g‘ri va ongli kasb tanlash, ijtimoiy munosabatlarga kirisha olish kompetensiyasi:
A1
kasblar olamini bila oladi, kasb-hunarlarga oid ma’lumotlarni to‘play oladi va tavsiflay oladi.
A1+
hunarmandlar haqidagi ma’lumotlarni biladi, ular faoliyatiga oid ma’lumotlarni to‘playdi va tavsiflay oladi.


Mavzularni o‘rganish uchun - 30 (A1+ 60) soat
Nazorat ishlari uchun - 4 (A1+ 8) soat
Jami - 34 (A1+ 68) soat


4-SINF
(haftasiga 1 soatdan 34 soat)


O‘quvchilarda shakllantiriladigan tayanch kompetensiyalar elementlari:
Kommunikativ kompetensiya:
A1
mavzuni o‘rganishda, o‘z g‘oyasini tushuntirish va o‘rtoqlashishda muomala madaniyatiga rioya qilish.
A1+
turli vaziyatlarda o‘zini tuta olish, olgan bilimlari asosida mustaqil fikr yuritish.
Axborotlar bilan ishlash kompetensiyasi:
A1
buyum dizayniga o‘zgartirish kiritishda axborotlarni izlash, o‘rganish, tahlil qilish, yangilik elementlarini kirita olish.
A1+
mavzularni o‘zlashtirishda media vositalardan foydalana olish.
O‘zini o‘zi rivojlantirish kompetensiyasi:
A1
yasalgan buyumlarni yangi ko‘rinishlarini izlab topa olish va dizayni o‘zgartirib, yasay olish.
A1+
xalq hunarmandchiligiga oid kitoblarni muntazam o‘qish va o‘rganish.
Ijtimoiy faol fuqarolik kompetensiyasi:
A1
o‘quvchilik burch va huquqlarini, vazifalarini bilish va ularga rioya qilish.