Respublika ta’lim markazi umumiy o‘rta ta’limning davlat ta’lim standarti va o‘quv dasturi boshlangich ta`lim ona tili

Mavzu. Sher va Chumoli. Masal (1 soat).
Rivoyatda sherning manmanligi va chumolining mehnatkashligi kamtarga kamol, manmanga zavol degan xalq maqoli misolida ko‘rsatilishi. Ongli va ifodali o‘qish.
46-mavzu. Baqa bilan taqa. Aziz Abdurazzoq (1 soat).
Baqaning havasi. Baqaning qaysarligi. O‘ziga noloyiq ishga qo‘l urishi. Ertak mazmuniga doir maqol va topishmoqlar. Ongli va ifodali o‘qish.
47-mavzu. Sinfdan tashqari o‘qish (1 soat).
Nazorat ishi (1 soat).
48-49-mavzular. Laqma it. Shukur Sa’dulla (2 soat).
O‘yinqaroqlik, ishyoqmaslikning inson boshiga katta tashvish keltirishi. Itning Moshxon, Echki va Olaqashqardan yordam so‘rashi. It yozni o‘tkazishi. O‘ziga uy qurmasligi. Itning qilmishi. Ertak mazmuniga doir maqol, topishmoq va tez aytishlar. Ongli va ifodali o‘qish.
A1+
Mavzu. Tadbirkor vazir. Ertak (2 soat)
Podshohning chiroyli otining o‘g‘irlanishi. Uni topishda vazirning tadbirkorlik ko‘rsatishi. Ongli va ifodali o‘qish.
50-mavzu. Maqollar (1 soat).
Maqollarning ma’nosi. Turmush tajribalaridan kelib chiqqan holda vatanga bo‘lgan muhabbat. Ilmning qadri. Do‘stlikni qadrlash. Hunar orqali xor bo‘lmaslik. Mehnatsevarlik. Oz so‘z – soz so‘zlash ekanligi. Ongli va ifodali o‘qish va yod olish.
51-mavzu. Topishmoqlar (1 soat).
Topishmoqlarning umumiy o‘xshashlik tomonlari. Topishmoqlarda tabiat hodisalari va narsalarning belgisi bildirishi. Ongli va ifodali o‘qish.
Takrorlash (1 soat).


VI bo‘lim. KUMUSH QISH
(6 soat, A1+: 2 soat)


52-mavzu. Qish to‘zg‘itar momiq par. Qudrat Hikmat (1 soat).
Qish manzarasi. Qorning yog‘ishi. Tomlarning qor bilan qoplanishi. “Mo‘rkon, serbar, fayz, surunkasi” so‘zlarining ma’nolari. Ongli va ifodali o‘qish.
53-mavzu. Rangin qorlar. Olloyor (1 soat).
Qadimda qorlarning rangi. Bahorning yashil rangni tanlashi. Yil fasllarining almashinib turishi. Tabiatning buyuk bo‘yoqchi timsolida gavdalanishi. Ongli va ifodali o‘qish.