Respublika ta’lim markazi umumiy o‘rta ta’limning davlat ta’lim standarti va o‘quv dasturi boshlangich ta`lim ona tili

Mavzu. Sinfdan tashqari o‘qish ( 1 soat).
75-mavzu. Bobonur. Safar Barnoyev (1 soat).
Samarqandda xizmat qilayotgan o‘g‘li Bobonurdan xat olishi. Harbiyga jo‘natish marosimida non yopishi va uni tishlatishi. Ongli va ifodali o‘qish.
76-mavzu. Botir askarcha. Habib Rahmat (1 soat).
She’r qahramoni akasiga o‘xshab askar bo‘lishni xohlashi. Xalqini, vatanini ko‘z qorachig‘idek asrashi. El olqishiga sazovor bo‘lishi. Ongli va ifodali o‘qish.


O‘quvchilarda shakllangan fanga oid kompetensiyalar:
Adabiy-nutqiy kompetensiya (tinglab tushunish, fikrni og‘zaki bayon qilish, o‘qish, fikrni yozma bayon qilish):
A1
rivoyat, hikoya, ertak, latifalar, maqol, topishmoq, tez aytish va she’riy matnlarni, ixcham audio va video materiallarini tinglab tushuna oladi;
ularni tushunib ongli, to‘g‘ri, ifodali (bo‘g‘inlamay sidirg‘a) o‘qiy oladi; matnlarning mazmunini to‘liq yoki qisqartirib, qayta aytib bera oladi;
o‘rganilgan mavzular doirasida bayon va bolalar yozuvchilari, ularning asarlari nomini yoza oladi;
o‘qish uchun kitoblar (badiiy asar namunalari)ni mustaqil tanlay oladi.
A1+
darslikdagi rasm va illyustratsiyalarga qarab fikrini og‘zaki bayon qila oladi.
Badiiy asarni tahlil qilish kompetensiyasi:
A1
o‘rganilgan asarlarning nomi, mazmuni va qahramonlarini ajrata oladi va o‘qituvchi yordamida ularga baho bera oladi;
o‘qilgan asar mazmuniga doir savol va topshiriqlarga javob bera oladi;
matndagi so‘zlarining ma’nolarini hamda gaplarni tushuna oladi;
A1+
asar qahramonlariga munosabat bildira oladi.


VII bo‘lim. ORZULAR QANOTIDA
(13 soat, A1+: 4 soat)


77-mavzu. Biz istiqlol farzandlarimiz. Rauf Tolib (1 soat).
Istiqlol farzandlari o‘zligini tanitgan dunyoda yashayotganligi. Shu yurt uchun Amir Temur kabi shijoatli, muhabbatli, ishbilarmon va bilimdon bo‘lib, el-yurtga xizmat qilish kerakligi. Mavzu mazmuniga doir maqollar. Ifodali o‘qish.