Respublika ta’lim markazi umumiy o‘rta ta’limning davlat ta’lim standarti va o‘quv dasturi boshlangich ta`lim ona tili

20-mavzu. Halollik. O‘zbek xalq ertagi (1 soat).
Boy dehqon va kambag‘al dehqon o‘rtasidagi munosabat. Mavzu mazmuniga doir maqol va tez aytishlar. Ertakni ongli va ifodali o‘qish.
21-mavzu. Donishmand yigit. O‘zbek xalq ertagi (1 soat).
Ota va o‘g‘il munosabati. Ertakni xulosalash. Mavzu mazmuniga doir maqol va tez aytishlar. Ertakni ongli va ifodali o‘qish.
22-mavzu. Ahillik – ulug‘ baxt. Qirg‘iz xalq ertagi (1 soat).
O‘g‘il otaga itoatkor bo‘lishi. Kattalar so‘ziga quloq tutish kerakligi. Ertakdan xulosalash.
23-mavzu. Chumchuqcha. Ertak (1 soat).
Ertak qahramonlari Ahmad va Rahimjonlarning fazilatlari. Ular o‘rtasidagi farqlari. Qismlarga sarlavha topish. Ertak mazmuniga doir maqol, topishmoq va tez aytishlar. Ertakni ongli va ifodali o‘qish mashqlari.
A1+
Mavzu. Sinfdan tashqari o‘qish (1 soat)
Mavzu. Xo‘roz bilan bo‘ri. A.Avloniy (1 soat).
Bo‘ri va Xo‘rozning sulh tuzilganligi haqidagi suhbati. Sulhda qushlar va hayvonlar ahillikda yashashi, zulm qilmaslik haqida gapirishi. Birgalikda o‘ynashi to‘g‘risida. Ikki it kelib qolishi bilan bo‘rining qochishi. Ongli va ifodali o‘qish.
24-mavzu. Danakvoy. Yayra Sa’dullayeva (1 soat).
To‘ravoyning shaftolilarga munosabati. O‘zaro mehr-oqibatli bo‘lishligi. To‘ravoyga baho. O‘zgalarni ranjitmaslik. Mavzu mazmuniga doir maqollar. Matnni ongli va ifodali o‘qish.
25-mavzu. Arazlagan koptok, kitob va qalam. M.Ibrohimova (1 soat).
Dangasalik yomon illat ekanligi. O‘quv qurollaridan o‘z vaqtida unumli foydalanish kerakligi. O‘zaro o‘quv qurollariga va o‘yinchoqlariga mehribon bo‘lishligi. Matn mazmuniga doir maqol, topishmoq va tez aytishlar. Ongli va ifodali o‘qish.
26-mavzu. Masallar. Qaysar buzoqcha. Olim Qo‘chqorbekov (1 soat).
Masallar haqida ma’lumot. Qaysarlikning oqibati. Do‘stlikning qadriga yetish va masaldan xulosa chiqarish. Matn mazmuniga doir maqol, topishmoq va tez aytishlar. Ongli va ifodali o‘qish.