Respublika ta’lim markazi umumiy o‘rta ta’limning davlat ta’lim standarti va o‘quv dasturi boshlangich ta`lim ona tili

Ijtimoiy faol fuqarolik kompetensiyasi:
maktabda, oilada bo‘layotgan jarayonlarda ishtirok etish;
o‘zining o‘quvchilik burchi va huquqlarini bilish, unga rioya qilish.
Milliy va umummadaniy kompetensiyasi:
orasta kiyinish, maktab ichki tartib qoidalariga va gigiyena talablariga doimo rioya qilish.
Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
kun tartibiga rioya qilish;
o‘quv qurollarini saranjom saqlash;
oilada nechta odam borligini, kim katta-yu, kim kichikligini bilish.


I bo‘lim. TAYYORGARLIK DAVRI
(8 soat)

1. 
   Tayyorgarlik davrida o‘qish darslari - 4 soat.
   

1-2-mavzular. Darslik bilan tanishtirish. Og‘zaki va yozma nutq. Gap. So‘z va bo‘g‘in haqida amaliy tushunchalar (2 soat).
Mustaqillik va tinchlik bir-biriga bog‘liq ekanligi bilan tanishtirish. “Bilimlar kuni” haqida suhbat.
3-4-mavzular. So‘z va bo‘g‘in. Bo‘g‘in va tovush haqida tushuncha. Gap, so‘z, bo‘g‘in va tovush uzviyligi (2 soat).
O‘quvchilarni kesma harf va bo‘g‘inlar asosida so‘z hosil qilishga o‘rgatish. Gap, so‘z, bo‘g‘in va tovush uzviyligi haqida tushuncha berish. Rasmlar asosida suhbat o‘tkazish. Sinfdan tashqari o‘qish -15 daq.


2. Tayyorgarlik davrida yozuv darslari - 4 soat.


1-2-mavzular. “Yozuv daftari” bilan tanishtirish. Bir xil masofada nuqtalar qo‘yish, chamalash qobiliyatini oshirish mashqlari (2 soat).
Osti ilmoqli kichik va katta tayoqchalar hamda quyoshchalar chizish. Harf qismlarini yozish, qo‘l mashqi, doirachalar chizish, har bir shaklni to‘g‘ri va aniq chizish.
3-4-mavzular. Usti ilmoqli kichik va uzun tayoqchalar hamda bayroqchalar chizish (2 soat).
Kichik va yarim harf qismlarini yozish, qo‘l mashqlari va paxta rasmini chizish.