Respublika ta’lim markazi umumiy o‘rta ta’limning davlat ta’lim standarti va o‘quv dasturi

5- SINF
(102 soat, haftasiga 3 soat, A2+: 136 soat)


O‘quvchilarda shakllantiriladigan tayanch kompetensiya elementlari:


Axborotlar bilan ishlash kompetensiyasi:
A2
kutubxonalardan qiziqarli badiiy kitoblarni topa olish, ulardan foydalanish.
A2+
mediamanba va kutubxonalardan zarur ma’lumotlarni izlab topa olish, ulardan foydalanish.


O‘zini-o‘zi rivojlantirish kompetensiyasi:
A2
doimiy ravishda mustaqil o‘qib-o‘rganish, o‘z-o‘zini rivojlantirish.
A2+
badiiy asarlarda tasvirlangan milliy qadriyatlarni tushunish.


Ijtimoiy faol fuqarolik kompetensiyasi:
A2
oila, maktab, mahallada bo‘layotgan jarayonlarda faol ishtirok etish.
A2+
maktabda va maktabdan tashqari adabiy-badiiy yo‘nalishdagi ko‘rik-tanlovlar, musobaqalarda faol ishtirok etish, atrofdagi insonlar bilan xushmuomalada bo‘lish.


Milliy va umummadaniy kompetensiya:
A2
vatanni sevish, tengdoshlari va boshqa insonlar bilan xushmuomalada bo‘lish.
A2+
umuminsoniy va milliy qadriyatlarni e’zozlash.


Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
A2
kundalik faoliyatda turli chizmalarni o‘qiy olish.
A2+
har kuni bajaradigan ishlarining oddiy rejasini tuza olish.


1-mavzu. Kirish. Adabiyot - so‘z san’ati. (1 soat)
Adabiyotning so‘z san’ati ekanligi. Uning estetik, tarbiyaviy, ta’limiy ahamiyati. Badiiy so‘z qudrati. So‘zning ifoda imkoniyatlari. So‘z orqali inson ruhiy olami, his-tuyg‘ulari hamda tabiat manzaralarining tasvirlanishi. Badiiy adabiyotning turlari. Mumtoz hamda zamonaviy shoir va yozuvchilar, folklor asarlari misolida adabiyotning so‘z san’ati ekanligi.

1.