Respublika ta’lim markazi umumiy o‘rta ta’limning davlat ta’lim standarti va o‘quv dasturi

Nazorat ishi: test. (1 soat)
Takrorlash. (2 soat)
Sinfdan tashqari adabiy o‘qish uchun. (1 soat, A1+: 2 soat)


O‘quvchilarda shakllantiriladigan tayanch kompetensiyalar elementlari
Axborot bilan ishlash kompetensiyasi:
A1
axborot manbalaridan (televizor, telefon, kompyuter) foydalana oladi;
media vositalardan foydalanib, didaktik topshiriqlarni bajara oladi.
A1+
telefon orqali yuborilgan xabarni o‘qiy oladi va xabar jo‘nata oladi;
media vositalardan zarur bo‘lgan axborotlarni izlab topa oladi va foydalana oladi.


O‘zini-o‘zi rivojlantirish kompetensiyasi:
A1
to‘garakda, kutubxonada, uyda rasmli kitoblar, jurnallar yordamida mustaqil o‘rganish orqali bilimini oshira oladi;
sportning yoshiga mos turi bilan shug‘ullana oladi;
A1+
mustaqil o‘rganish orqali bilimini oshirib bora oladi;
o‘zini tuta oladi, o‘zining xatosini tushuna oladi.


Ijtimoiy faol fuqarolik kompetensiyasi:
A1
davlat ramzlarining ma’nosini tushuna oladi;
sinfdagi jihozlar, o‘quv qurollarini avaylab-asray oladi.
A1+
davlat ramzlariga hurmat bilan munosabatda bo‘la oladi;
farzandlik va o‘quvchilik burchini bilib, unga rioya qila oladi.


Milliy va umummadaniy kompetensiya:
A1
o‘zi yashaydigan hududning tarixiy obidalari haqida tushunchaga ega bo‘ladi;
uyi, maktabi, turar joyini qadrlay oladi;
do‘stlari, yaqinlari va atrofdagilarga mehribon bo‘la oladi.
A1+
o‘zi yashaydigan hududning tarixiy obidalarini qadrlay oladi;
odob-axloq qoidalariga rioya qila oladi.


Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
A1
mamlakatimizdagi bayram kunlarini biladi;
isrof va tejamkorlikning ma’nosini tushuna oladi;
o‘z ehtiyoji uchun kerak bo‘lgan narsalardan (kiyimi, o‘quv qurollari) tejab foydalana oladi;
A1+
isrof va tejamkorlikning ma’nosini tushuna oladi, unga amal qila oladi;
bir kunlik xarajatlarini hisoblay oladi.