Respublika ta’lim markazi umumiy o‘rta ta’limning davlat ta’lim standarti va o‘quv dasturi

Ijtimoiy faol fuqarolik kompetensiyasi:
A2
jamiyatda bo‘layotgan voqea, hodisa va jarayonlarga daxldorlikni his etadi va faol ishtirok etadi;
maktabda va maktabdan tashqari adabiy-badiiy yo‘nalishdagi tadbirlarda (turli mavzudagi ko‘rik-tanlovlar, musobaqalar va h.k.) faol ishtirok etadi, atrofdagi insonlar bilan xushmuomalada bo‘ladi;
badiiy asarlarda xilma-xil shakl va ko‘rinishlarda namoyon bo‘ladigan qahramon va personajlarning ijtimoiy-ma’naviy, fuqarolik, insoniylik va boshqa burch hamda huquqlarini bajarishlaridagi o‘ziga xosliklar (halol, vijdonli, jonkuyar, loqayd...)ga qarab turib xolis va jiddiy mulohaza yurita oladi.
A2+
badiiy asarlarda aks etgan yuksak ma’naviy fazilatlar, shuningdek, yuksak badiiyat namunalarini anglay oladi, his etadi va boshqalarga yetkazishga intiladi.


Milliy va umummadaniy kompetensiya:
badiiy adabiyot va san’atda aks etgan vatanparvarlik, insonparvarlik g‘oyalarini, umuminsoniy va milliy qadriyatlar tasviridagi o‘ziga xosliklarni anglaydi, ulardan ta’sirlanadi, ulardagi go‘zallik va ezgulikdan o‘rnak olishga intiladi, yovuzlik va xunuklikdan nafratlana oladi.
A2+
badiiy asarlarda aks etgan tarixiy, ma’naviy va madaniy hodisalar mohiyatini to‘g‘ri tushunadi va talqin qila oladi, ulardagi estetik jihatlarni ilg‘ay oladi hamda tushuntirib bera oladi.


Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
aniq hisob-kitoblarga asoslangan holda shaxsiy, oilaviy, kasbiy va iqtisodiy rejalarini tuza oladi;
shaxsiy, ijtimoiy va iqtisodiy munosabatlarda hisob-kitob bilan ish yurita oladi;
kundalik faoliyatda turli formula, model, chizma, grafik va diagrammalarni o‘qiy oladi va undan foydalana oladi.
A2+
inson mehnatini yengillashtiradigan, mehnat unumdorligini oshiradigan va qulay shart-sharoitga olib keladigan fan va texnika yangiliklaridan xabardor bo‘la oladi hamda ulardan foydalana oladi.