Respublika ta’lim markazi umumiy o‘rta ta’limning davlat ta’lim standarti va o‘quv dasturi

Nazorat ishi: Insho va uning tahlili. (2 soat, A2+: 3 soat)
Takrorlash: (1 soat)
Nazorat ishi: Test. (1 soat)
Sinfdan tashqari o‘qilgan asarlar muhokamasi: (1 soat, A2+: 2 soat)


O‘quvchilar sinfda va mustaqil o‘qishlari, yod olishlari lozim bo‘lgan asarlar:
Imom Ismoil al-Buxoriy. Hadislar
Odil Yoqubov. “Ulug‘bek xazinasi” asari.
Oybek. She’rlar.
Abdulla Oripov. She’rlar.
Vilyam Shekspir. “Gamlet” tragediyasi.

60-62-mavzu. O‘ljas Sulaymonov. She’rlar. (3 soat)
O‘ljas Sulaymonovning hayoti va ijodi haqida qisqacha ma’lumot. Uning she’rlaridagi yangicha ohanglar talqini. Shoirning “Arg`umoq”, “Maxambetga” she’rlari, “Qoyilmisan insonga zamin” dostonidagi vatan va vatanparvarlik g‘oyalarining o‘ziga xos talqini. Ularda milliy va umuminsoniy g‘oyalarning yaxlit tarzdagi ifodasi. Shoir she’rlarining badiiy o‘ziga xosligi. Ularning ma’rifiy-estetik ahamiyati.
63-65-mavzu. A.S.Pushkin. She’rlar. “Yevgeniy Onegin” she’riy romani. (3 soat)
Shoirning hayoti va ijodi haqida qisqacha ma’lumot. Pushkin rus adabiyotining buyuk namoyandasi. “Yevgeniy Onegin” she’riy romani. Asarda XIX asrdagi rus xalqi hayotining yorqin ifodalanishi. Yevgeniy, Lenskiy va Tatyana obrazlari. Asarning g‘oyaviy yo‘nalishi va badiiy xususiyatlari. Pushkin ijodining o‘zbek she’riyati taraqqiyotiga, shu jumladan, o‘zbek adabiyotida she’riy roman janrining paydo bo‘lishiga ta’siri.
Nazariy ma’lumot. She’riy roman.
66-69-mavzu. Chingiz Aytmatov. “Asrga tatigulik kun” romani. (4 soat)
Chingiz Aytmatovning hayoti va ijodi haqida qisqacha ma’lumot. Yozuvchining XX asr jahon adabiyoti taraqqiyotida tutgan o‘rni. Adib romanlari, jumladan, “Asrga tatigulik kun” asari haqida ma’lumot (1 soat).
Asar markazidagi Edigey obrazi, uning mashaqqatli hayot yo‘li, ruhiy olami orqali kechagi kunini unutmagan, bobolar amal qilgan yuksak udumlar asosida yashagan chin insonning ifodalanishi (1 soat).
Romanda Edigeyning yaqin do‘sti Kazangap vasiyatini ro‘yobga chiqarish yo‘lidagi zahmatlari ifodasining ta’sirli berilishi. Unda jamiyatdagi ma’naviy inqirozlar mohiyatining ochilishi. Asarda hodisalarning falsafiy-badiiy talqini “Asrga tatigulik kun” romanining badiiy xususiyatlari (2 soat).