Respublika ta’lim markazi umumiy o‘rta ta’limning davlat ta’lim standarti va o‘quv dasturi

17-23-mavzu. Zahiriddin Muhammad Bobur. Lirika. “Boburnoma”. (7 soat, A2+: 10 soat)
Hayoti va faoliyati haqida qisqacha ma’lumot. Ijodiy merosining badiiy xususiyatlari. Shoirning she’riy ijodi. Shoir lirikasining hasbi hollik xususiyati. “Mening ko‘nglumki, gul g‘unchasidek tahbatah qondur”, “Agarchi sensizin sabr aylamak, ey yor, mushkuldur” g‘azallarida Boburning ziddiyatlarga to‘la hayotining poetik aks etganligi (2 soat).
Shoir g‘azallaridagi soddalik va samimiylik yuksak san’atkorlik namunasi sifatida.
“Yoz fasli, yor vasli, do‘stlarning suhbati”, “Sendek menga bir yori jafokor topilmas” g‘azallarida hayot zavqi. Umr g‘animatligining betakror badiiy ifoda etilganligi. “Yoz fasli...” g‘azalida qo‘llangan she’riy san’atlar. “Sendek menga bir yori jafokor topilmas” she’rida vazn, qofiya, radif hamda poetik san’atlarning qo‘llanishi.
Boburning o‘zbek lirikasi taraqqiyoti tarixida tutgan o‘rni (1 soat).
“Boburnoma”da Andijon va Samarqand tasviri. Asarda tabiat tasviri (hayvonot va nabotot tasviri). “Boburnoma” – o‘zbek nasrining nodir namunasi sifatida. Nazariy ma’lumot. Memuar asar (4 soat).
O‘quvchilarda shakllangan fanga oid kompetensiya elementlari:


Adabiy-nutqiy kompetensiyalar (tinglab tushunish, fikrni og‘zaki bayon qilish, o‘qish, fikrni yozma bayon qilish):
A2
badiiy asarlar asosida yaratilgan audiomatn, videotasvirlarni tinglab tushunadi, tegishli munosabat bildira oladi;
nasriy, she’riy asar namunalarini ifodali o‘qiydi va mazmun-mohiyatini tushuna oladi;
adabiy, adabiy-ijodiy va erkin mavzulardagi insholarga xos xususiyatlarni biladi va tegishli yo‘nalishda insho (6-7 sahifa) yoza oladi;
adabiy til me’yorlariga rioya qilgan holda turli mavzularda taassurot, referat va ijodiy matn yoza oladi, unda xalq maqollari, matallari, hikmatli so‘z, badiiy, publitsistik asarlardan o‘rinli foydalana oladi;
turli janrdagi adabiyotlarni mustaqil tanlab, mutolaa qiladi, undagi voqea-hodisalar, obrazlar tizimiga munosabat bildira oladi.
A2+
asarning g‘oyaviy-badiiy xususiyati va yozuvchi mahoratini baholay oladi;
adabiy janr imkoniyatlaridan kelib chiqadigan badiiy-estetik hodisalarga mustaqil va ijodiy munosabat bildira oladi;
asarlarga annotatsiya hamda kichik xabar, lavhalar yoza oladi.