Республика Маънавият ва маърифат маркази Тошкент вилояти бўлими томонидан ўтказилган маънавий-маърифий тадбирлар юзасидан

Республика Маънавият ва маърифат маркази Тошкент вилояти бўлими томонидан ўтказилган маънавий-маърифий тадбирлар юзасидан
КУНЛИК МАЪЛУМОТ
2022 йил 30 май ҳолатига
Пискент туман ҳокимлиги, Маънавият ва маърифат маркази туман бўлими, Ахборот кутубхона маркази ҳамкорлигида “Пискент гулдастаси” номли янги китоб тақдимоти бўлиб ўтди. Унда туман ҳокими ўринбосарлари, ёзувчи ва шоирлар, журналистлар, ёш ижодкорлар, ОАВ вакиллари иштирок этди. 
Пискентда азалдан ижодий муҳит шаклланган бўлиб, бугунги авлодлар Дилафгор, Абдулла Алавия, Музайяна Алавияларнинг ижодий мероси, Мажид Самадов, Тўхташ Қосимов, Собиржон Иномов, Тохир Шомуродов ва бошқа қатор ижодкорларнинг баракали меҳнатини ҳурмат билан тилга олишади, анъаналарини давом эттиришади. “Пискент гулдастаси” баёзига ҳам турли соҳаларда меҳнат қилиш баробарида назм ва насрда қалам тебратаётган пискентлик 70 нафар ижодкорнинг шеърлари, ҳикоялари жой олган.
Тантанали тадбирда туман ҳокими ўринбосари Миршоҳид Мирюнусов сўзга чиқиб, “Пискент гулдастаси” китобиниг нашр этилиши туман ижодий муҳитида катта воқеа эканлигини таъкидлади, барча ижодкорларга муваффақият тилади. Ўзбекистон Ёзувчилар уюшмаси аъзоси Собиржон Иномов, “Ўзбекистон” нашриёти муҳаррири Тўхтамурод Шомуродов, Ориф Бискандий, 1-ИДУМ раҳбари Марҳабо Қурбонова ва бошқа кўплаб адабиёт иҳлосмандлари ўзларининг илиқ фикрларини билдиришди.
Тадбир давомида «Пискент гулдастаси» китоби муаллифлар ва меҳмонларга тақдим этилди. Туман маданият бўлими қўшиқчи ва раққосаларининг бадиий чиқишлари даврага янада файз бағишлади.