Respublika iqtisodiyotiga to‘g‘ridan to‘g‘ri xorijiy investitsiyalarni jalb qilish mexanizmlarini yanada takomillashtirish chora-tadbirlari to‘g‘risida

Toshkent xalqaro investitsiya forumiga tayyorgarlik ko‘rish va uni o‘tkazish bo‘yicha
TAShKILIY ChORA-TADBIRLAR REJASI

T/r	Chora-tadbirlarning nomlanishi	Ijro muddati	Mas’ul ijrochilar
I. Axborot-mazmuni qismi
1.	Malakali xorijiy tashkilotni jalb etgan holda Toshkent xalqaro investitsiya forumi (keyingi o‘rinlarda — Forum) konsepsiyasini ishlab chiqish.	2019-yil 1-iyungacha	Investitsi�lar va tashqi savdo vazirligi
2.	Forumning xorijiy ishtirokchilari tarkibini ishlab chiqish, xususan: investorlar va boshqa shaxslarning Forumda ishtirok etishi yuzasidan diplomatik kanallar orqali so‘rovlar yuborish; davlat organlari va tashkilotlarga forumda ishtirok etishga nomzod xorijiy investorlarni tavsiya etish yuzasidan so‘rovlar yuborish; taqdim etilgan materiallar yakunlariga ko‘ra, Forumda ishtirok etuvchi xorijiy ishtirokchilar ro‘yxatini, shu jumladan ular va ushbu investorlar vakil bo‘lgan tashkilotlar to‘g‘risidagi ma’lumotnomalarni (CV) tayyorlash.	2019-yil 1-iyulgacha	Investitsiyalar va tashqi savdo vazirligi TIV, manfaatdor vazirlik va idoralar
3.	Xalqaro tashkilotlar, diplomatik korpus vakillari, yetakchi xorijiy investorlar va biznes tuzilmalar vakillarining soni va tarkibi to‘g‘risidagi takliflarni O‘zbekiston Respublikasi Prezidenti Administratsiyasiga kiritish.	2019-yil 10-iyulgacha	Investitsiyalar va tashqi savdo vazirligi
4.	Forumda ishtirok etadigan mahalliy vakillar, shu jumladan ma’ruzachi va moderatorlar tarkibini ishlab chiqish.	2019-yil 15-iyulgacha	Investitsiyalar va tashqi savdo vazirligi, manfaatdor vazirlik va idoralar
5.	Nutqlar, ma’ruzalar, taqdimotlar hamda moderatorlikni hisobga olgan holda Forum dasturini ishlab chiqish.	2019-yil 1-avgustgacha	Investitsiyalar va tashqi savdo vazirligi
6.	Taqdimotlar mazmunini, tarqatma materiallar, axborot va boshqa ma’lumotnomalarni, shu jumladan mazkur qarorga muvofiq amalga oshiriladigan istiqbolli investitsiya va infratuzilma loyihalari bo‘yicha dastlabki TIA va boshqa loyiha hujjatlari asosida ishlab chiqish.	2019-yil 15-avgustgacha	Investitsiyalar va tashqi savdo vazirligi, manfaatdor vazirlik va idoralar