Республика илмий-амалий масофавий онлайн конференцияси

BOSHLANG`ICH SINF O`QISH DARSLARIDA INTELEKTUAL O`YINLARNING O`QUVCHILAR KOMPETENSIYASINI SHAKLLANTIRISHDAGI O`RNI


Bekboyeva Onabibi Jaxongirovna
Sirdaryo viloyati Bovovut tumani 34-umumta’lim maktabi boshlang`ich sinf o`qituvchisi.

Yosh avlodni hozirli zamon fani asoslari bilan qurollantirish orqali ularni aqliy, ma’naviy, g`oyaviy jihatdan maksimal darajada rivojlantirishda erishish umumta’lim muassasalari oldida turgan eng muhim vazifalardan biridir.

Intelektual o`yinlar orqali bolalar bilim oladilar, topqirlik va hishyorlikka o`rganadilar. Ayniqsa o`yinlarni hayotga bog`lab musobaqa tarzida tashkil qilish bolalar faolligini va qiziquvchanligini yanada oshiradi.
Ta’limning o`yinli faol texnologiyalar zamirida o`quvchining maktab ta’lim-tarbiyasiga majburiylik, hadiksirab qarashdan, o`qituvchi ko`rsatmalarini aynan takrorlashdan xalos etish, uni ta’lim jarayonining faol subyektiga aylantirish g`oyasi yotadi.
Ta’lim jarayonida uyushtiriladigan intelektual o`yinlar ham o`quvchilar tafakkurini rivojlantirishga asosiy vosita sanaladi. Unga dam olish yoki vaqt o`tkazish vositasi emas, balki ta’lim beruvchi faoliyat sifatida qarash lozimdir. E’tiboringizga intelektual o`yinlarning ayrimlarini havola etamiz:
“Meni tushun” o`yini.
Sinf kichik guruhlarga birlashtiriladi. O`qituvchi har bir guruhning bir a’zosi qulog`iga biror mavzuga oid so`z aytadi. Buni eshitgan o`quvchi sherigi qulog`iga nima tushungan bo`lsa shuni aniq tasvirlab uning xususiyatlarini to`la bayon qilishi lozim. Masalan:”Bo`rining tabib bo`lgani haqida ertak” mavzusi asosida o`qituvchi “Bo`ri”:

1. 
   Yirtqich hayvon, itga o`xshaydi.
   
2. 
   Quyon va qo`y go`shtini yaxshi ko`radigan yirtqich hayvon
   
3. 
   “Senimi shoshmay tur” multfilmining katta qahramoni..........
   

Guruhdagi oxirgi o`quvchidan eshitgan ta’rifdan nimani tushungani so`raladi: „Bo`ri” deb javob bersa to`g`ri, boshqacha bo`lsa, qaysi guruh ishtirokchilari bir-birlarini tushunishda xatoga yo`l qo`yganligi aniqlanadi.

2-guruhga quyon, 3-guruhga tulki, 4-guruhga she’r so`zlari beriladi.