Рекомендательное письмо

Bajarilish muddatlariga ko`ra operativ-kalendar, joriy, o`rta muddatli va strategik rejalarga bo`linadi.
Belgilanish funksiyalariga ko`ra ishlab chiqarish(mahsulot tayyorlash), tijorat(korxonaning moddiy-texnik ta`minoti va tayyor mahsulotni sotish), ishlab chiqarishni texnik rivojlantirish rejasi va investision rejalar, mehnat,ish haqi va personalni ijtimoiy qo`llab-quvvatlash bo`yicha rejalar, moliya rejalariga bo`linadi.
Boshqarish darajasi bo`yicha umumkorxona darajasidagi rejalar, sexlar darajasidagi rejalar, funksional bo`limlarva laboratoriyalar ishlari rejalari, uchastka va brigadalarishlari rejalariga bo`linadi.
Ishlar va mahsulotlarning turlari bo`yicha mahsulot chiqarish bo`yicha rejalar, ishlab chiqarishni qamrab olgan rejalar, qamrab olish darajasi jarayonida bo`lgan rejalar, kelajakda ishlab chiqarishni qamrab olishni loyihalashtiradigan rejalarga bo`linadi.
Keltirilgan guruhlash asosan yirik va o`rta korxonalar uchun xosdir. Chunki kichik korxonalar asosan joriy va operativ-kalendar rejalar bilan cheklanadi.


2. Rejaviy qarorlarni tayyorlash ketma-ketligi.
Rejalashtirish – qaror qabul qilishning uzluksiz bir jarayoni bo’lib, bu jarayon davomida korxona faoliyati va rivojlanishining maqsad va vazifalari atrofda ro’y berayotgan o’zgarishlarni inobatga olgan holda vaqt bo’yicha aniqlanadi va belgilanadi hamda ularni amalga oshirish uchun resurslar aniqlanadi. Mazmuniga ko’ra, rejalashtirish texnik-iqtisodiy va tezkor-ishlab chiqarish turlariga bo’linadi.
Texnik-iqtisodiy rejalashtirish korxona faoliyatining barcha (iqtisodiy, texnik, ijtimoiy va hokazo) jihatlarini qamrab oluvchi rejalashtirish turi bo’lib, asosan bir yilga mo’ljallangan iqtisodiy va ijtimoiy rivojlanish rejasi shaklida amalga oshiriladi. Mazkur rejalashtirish turining soddalashtirilgan ko’rinishi ko’pincha korxona faoliyatining yillik rejasi deb ataladi.
Tezkor-ishlab chiqarish rejalashtirish texnik-iqtisodiy rejalashtirishning davomi bo’lib, korxona faoliyati yillik rejasini yanada qisqaroq muddatga - sutka, o’n kunlik, oyga bo’lib muayyanlashtirish bilan tavsiflanadi. Tezkor-ishlab chiqarish rejalashtirish-kalendar rejalashtirish va dispetcherlashdan iborat bo’ladi.