Reje: Kirisiw

2. Tiykarǵı bólim
b) Jámaat kelisimleriniń mazmunı
Jámaat kelisimleriniń mazmunın tárepler belgileydi. Jámaat kelisimlerinde tómendegiler názerde tutıladı.
1. miynetke haq tólew, miynet shártleri hám onı qorǵaw, miynet hám dem alıw tártibi;
2. narxlardıń ózgerip barıwı, inflyaciya dárejesine, kelisimlerde belgilep qoyılǵan kórsetkishlerdiń orınlanıwına qarap miynetke haq tólewdi tártipke salıw mexanizimi;
3. eń kem muǵdarı nızam hújjetlerinde názerde tutılatuǵın kompensaciya tárizindegi qosımsha tólemler;
4. xizmetkerlerdiń jumısqa jaylasıwına, olardı qayta oqıtıwǵa kómeklesiw;
5. ekologiyalıq tárepten qáwipsizlikti támiyinlew hámde islep shıǵarıwda xizmetkerlerdiń den sawlıǵın qorǵaw;
6. xizmetkerler hámde olardıń shańaraq aǵzaların sociallıq qorǵaw boyınsha arnawlı is-ilajlar;
7.mamleket kárxanaların menshiklestiriw waqtında xizmetkerlerdiń máplerin qorǵaw;
8. nagiranlar hám jaslar (on segiz jasqa tolmaǵan shaxslar) miynetinen paydalanıw maqsetinde olar ushın qosımsha jumıs orınların shólkemlestiriwshi kárxanalarǵa beriletuǵın jeńillikler;
9. jámaat shártnamaların dúziwge kómeklesiw, miynet dawlarınıń aldın alıw, miynet intizamın bekkemlew haqqındaǵı qaǵıydalar.
Jámaat kelisimlerinde basqa miynet hám social-ekonomikalıq máseleler boyınsha nızam hújjetlerine qarsı kelmeytuǵın qaǵıydalar da bolıwı múmkin.
Jámaat kelisimi ol imzalanǵan waqıttan baslap kúshke kiredi. Onıń ámel qılıw múddeti tárepler tárepinen belgilenedi hám úsh jıldan asıp ketpewi lazım. Jámaat kelisimi wákillikli organlar usı kelisimdi dúzgen xizmetkerlerge hám jumıs beriwshilerge qarata qollanıladı. Úsh tárepleme kelisimler dúzilgen jaǵdayda onıń ámel qılıwı atqarıwshı hákimiyat organlarına da tiyisli boladı.
Barlıq basqıshtaǵı jámaat kelisimleriniń orınlanıwın tikkeley tárepler yaki olar wákillik bergen shaxslar, sonday-aq Ózbekstan Respublikası Bántlik hám miynet núnasibetleri ministrliginiń tiyisli organları tárepinen tekserip turıladı. Tekseriw waqtında tárepler kerekli maǵlıwmatlardı usınıwı lazım.
Jámaat kelisimlerine ózgeris hám qosımshalar táreplerdiń óz-ara razılıǵı menen kiritiledi. Eger bul jaǵday belgilenbegen bolsa Ózbekstan Respublikası Miynet kodeksi tiykarında ámelge asırıladı.