Режа: Ўзбекистонда Хотин-қизларнинг хуқуқлари

3. Ўзбекистонда хотин-қизларнинг гендер тенглиги
“Эркаклар ва аёллар учун тенг ҳуқуқ ва имкониятларни таъминлашда муайян ютуқлар қўлга киритилганига қарамай, гендер тенгликка эришиш жараёни суст бормоқда. Афсуски, ҳозирча мамлакат қонунчилик, ижроия ва суд ҳокимиятининг барча даражаларида ўзбек аёллари етарли вакилларга эга эмас. Бундан ташқари, шаҳар ва қишлоқ оилалари ҳаёт шароитларида катта фарқ мавжуд, уларда бутунлай ўзгача ҳаёт тарзи ва эр-хотин, болалар ва ота-она ўртасидаги муносабатлар турлича”.
Бу сўзларни тасдиқламай илож йўқ. Айниқса, шаҳар ва қишлоқ оилалари ҳаёт тарзидаги катта фарқ борасида, улардаги хотин-қизлар ҳолати, шунингдек қотиб қолган тасаввурлар, афсоналар ва хурофотларнинг жамоатчилик фикрига таъсири борасида жуда тўғри айтилган – ушбу таъсир, афсуски, ҳали ҳам инсон ҳуқуқлари концепцпиясидан устун бўлиб келмоқда ва кўп ҳолларда уй зўравонлигига, ажралишларга ва, ҳатто, инсонларнинг ҳалок бўлишига сабаб бўлмоқда.
“Тараққиёт стратегияси” маркази Ўзбекистон Республикаси Гендер тенгликни таъминлаш масалалари бўйича комиссияси ҳамда USAIDнинг ҳуқуқий ислоҳотлар дастури билан ҳамкорликда “Аёлларга нисбатан зўровонликка қарши 16 кун” кампанияси доирасида онлайн ва офлайн учрашув ўтказилди.
Унда Ўзбекистон Республикаси Олий Мажлиси Сенати, Ички ишлар вазирлиги, Маҳалла ва оилани қўллаб-қувватлаш вазирлиги, Инсон ҳуқуқлари бўйича Ўзбекистон Республикаси Миллий маркази, Ўзбекистон Республикаси Гендер тенгликни таъминлаш масалалари бўйича комиссия, “Тараққиёт стратегияси” маркази, USAIDнинг ҳуқуқий ислоҳотлар Дастури вакиллари, вазирлик, идора ва ташкилотларда гендер тенглигини таъминлаш бўйича масъуллар иштирок этди.
Учрашувда давлат органларида аёллар ва эркакларнинг тенг ҳуқуқ ва имкониятларини таъминлаш соҳасидаги ваколатли шахсларнинг салоҳиятини ошириш ва гендер тенглиги ва зўравонликка қарши курашиш тўғрисидаги қонун ҳужжатлари, жумладан, “Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги Ўзбекистон Республикаси Қонуни кенг тарғиб қилинди.