Режа: Ўзбекистонда аҳоли бандлиги таъминлаш ва реал даромадларни изчил оширилиши бўйича олиб борилаётган ислоҳотлар

1-жадвал
2000-2017 йилларда республика аҳолиси даромадлари, иш ҳақи ва пенсиялар тўғрисида маълумот⁸

Кўрсаткичлар номи	2000 й.	2005 й.	2010 й.	2017 й.
I. Аҳоли жон бошига умумий даромадлар, минг сўмда	96,4	371,8	1765,8	5649,6
ўтган йилнинг мос даврига нисбатан реал ўсиши, %	124,7	117,4	120,1	108,4
II. Йиллик ўртача номинал ҳисобланган иш ҳақи, минг сўмда	13,5	81,5	504,8	1457,8
ўтган йилнинг мос даврига нисбатан, %	146	138,7	129,4	112,7
III. Белгиланган ўртача пенсия миқдори (йил охирига), минг сўмда	7,4	31,7	171,9	556,8
ўтган йилнинг мос даврига нисбатан, %	152	143,5	125,9	112,7

Ўтган давр мобайнида аҳоли жон бошига даромадлар мунтазам равишда ошиб борган ва 2017 йил маълумотлари бўйича даромадлар 2000 йилдаги даражасига нисбатан 13,2 марта реал ошган. Шунингдек, ушбу давр оралиғида ўртача иш ҳақи ҳамда пенсиялар миқдори мос равишда 24,3 ва 18,6 марта ортгани кузатилди.
Ўз навбатида, даромадлар таркибида меҳнат фаолиятидан олинган даромадларнинг улуши 68,5% ни (2010 йилда 71,6 %), трансферт шаклида олинган даромадларнинг улуши 25,2 % ни (2010 йилда 24,3 %), мол-мулкдан олинган даромадларнинг улуши 4,1 % ни (2010 йилда 2,3 %), шахсий истеъмол учун ўзида ишлаб чиқарилган хизматлардан олинган даромадларнинг улуши эса 2,2 % ни (2010 йилда 1,8 %) ташкил этган.