Режа: Қушлар синфига хос умумий хусусиятлар

Умуртқалиларнинг турли синфларида юракнинг катталиги ва қоннинг айрим кўрсатгичлари

Синф	Юракнинг нисбий массаси тананинг умумий массасига нисбатан %	Млн/мм^3 қондаги эритроцитлар сони	Гемоглобин миқдори, г%
Судралиб юрувчилар	0,2–0,3	0,5–1,6	4–11
Қушлар	0,4–2,5	1,5–7,0	7–21
Сут эмизувчилар	0,2–1,0	4,0–25,0	8–23

Нерв системаси. Қушларнинг марказий нерв системаси амфибиялар ва рептилияларникига нисбатан анча мураккаб тузилган (160-расм). Аввало, қушларнинг бош мияси, айниқса, олдинги мия катта яримшарларининг ривожланиши улар турқ-атворининг жуда мураккаблигидан далолат беради. Маълумки, қушларнинг миячаси мувозанатни таъминлайди ва ҳаракатлар коардинациясини бошқаради. Шунинг учун ҳам учиш қобилиятига эга бўлган ва мураккаб ҳамда турли – туман ҳаракатларни бажарадиган қушларда миячанинг аҳамияти жуда катта. Яна шуни айтиш керак-ки, агар судралиб юрувчилар бош миясининг массаси (вазни) орқа мия вазнига тенг бўлса, қушларда бош миянинг вазни орқа миясиникига нисбатан оғир бўлади. Масалан: товуқсимонларнинг бош мияси вазни орқа миясига нисбатан 150% оғир, каптарларда эса бу кўрсаткич 250% ни ташкил этади.
Қушлар бош мияси вазнининг оғирлиги, аввало уларнинг олдинги мия яримшарларининг катталигига боғлиқ. Масалан: товуқсимонларда олдинги бош мия яримшарлари массаси миянинг бошқа бўлимлари массасига тенг, яъни 1:1, йиртқич қушларда эса бу кўрсаткич 2:1, чумчуқсимонларда ва тўтиқушларда 3:1 га тенг бўлади. Қушларда оралиқ мия яхши ривожланмаган. Бош миядан 12 жуфт нерв чиқади.