Reja ta’lim muassasida ma’naviy-axloqiy tarbiya ishlarining tashkil qilinganligi

Ta’lim muassasida ma’naviy-axloqiy tarbiya ishlarining tashkil qilinganligi.

Yangi o‘quv yilida “Bilimlar kuni” tadbirini o‘tkazishga bag‘ishlangan “Tantanali saflanish” tadbiri karantin qoidalariga rioya qiingan holda tashkil qilindi. 10 sentabr kuni tashkil qilingan ushbu tadbirda maktab direktori S.Mamadoliyeva tadbirni ochib berish uchun so’zga chiqdi.U o’z nutqida mustaqillik davrida boy tariximiz, bebaho merosimiz, dinu-diyonatimiz, ko‘hna urf-odat va an’analarimizning qayta tiklanganligi, istiqlol davri Vatanimiz uchun chinakam ma’naviy tiklanish va yuksalish davri bo‘lganligi, bugungi kunda mehr-oqibat, bag‘rikenglik, hamjihatlik kabi ezgu fazilatlar, milliy va umumbashariy qadriyatlarga uyg‘un bo‘lib yashash hayotimiz qoidasiga aylanib borayotganligini aytib o’tdi va 1-sinf o’quvchilariga prezident sovg’alari topshirildi.Shundan so’ng 1-11-sinflarda “Mustaqillik darslari” hamda pedagog xodimlar uchun “Ma’naviyat soati”ni tashkil etildi.
TADBIRDAN LAVHALAR

Ustoz va murabbiylarni e’zozlash, ushbu kasb egalarining faoliyati targ‘ib etish maqsadida 1-oktabr – “O‘qituvchi va murabbiylar kuni” umumxalq bayramiga bag‘ishlab madaniy-ma’rifiy tadbir tashkil qilindi. Tadbirga uzoq yillar davomida maktabda faoliyat yuritgan faxriy o’qituvchilardan T.O’razov taklif etildi. Tadbirda maktab o’quvchilari o’zlarining she’r hamda raqslari bilan yig’ilganlar e’tiborida bo’ldi. Tadbir so’ngida T.O’razovga so’z berildi va ustoz o’z nutqida o’qituvchi kasbining sharafli va ma’suliyatli ekanligi, kelgusida o’quvchi yoshlar orasida o’qituvchi kasbini egallamoqchi bo’lgan yoshlarga omad tiladi.

Tinchlik – bu buyuk ne’mat, uni asrab-avaylash muqaddas burch degan g‘oya ilgari surish, targ‘ibot ishlarini kuchaytirish maqsadida 21-sentabr – “Xalqaro tinchlik kuni” munosabati bilan insho, rasm chizish bo‘yicha tanlov hamda “Sport – tinchlik elchisi” shiori ostida shaxmat bo’yicha sport musobaqasi bo’lib o’tdi. Ushbu tanlov hamda musobaqada 6-7-8-9 sinf o’quvchilari o’rtasida tashkil etildi. Tanlovning insho yo’nalishida o’quvchilar o’zlarining tinchlik haqida tushunchalarini Tinchlik- ulug’ ne’mat ekanligi haqida o’z insholarida keltirib o’tdi. Ushbu yo’nalishda 8 sinf o’quvchisi M.Adirboyeva tomonidan qilingan ish eng yaxshisi deb topildi. Tanlovning rasm yo’nalishida 9 – sinf o’quvchisi M.Muxiddinova tomonidan chizilgan tinchlik ramzi bo’lgan Humo rasmi eng yaxshisi deb topildi. “Sport – tinchlik elchisi” shiori ostida o’tkazilgan sport musobaqasida 8 sinf o’quvchisi N.Qilichov barcha tengdoshlaridan ustun kelib musobaqa g’olibligini qo’lga kiritdi.