Reja: Sun’iy intelekt tushunchasi

O‘zbekistonda intellektual tizimlarining rivojlanishi
Yurtimizda inson kapitalini rivojlantirish hamda 2030 yilga qadar innovatsion rivojlangan 50 ta mamlakat qatoridan o‘rin egallashini ta’minlash uchun Innovatsion rivojlanish vazirligi tomonidan 2021–2022 yillarda O‘zbekiston Respublikasida sun’iy intellektni rivojlantirish strategiyasi loyihasi ishlab chiqildi. Strategiya loyihasida sun’iy intellekt sohasida milliy ilmiy tadqiqot va rivojlantirish faoliyatini tizimli tarzda yo‘lga qo‘yish hamda ta’limni samarali isloh etish asosiy maqsad etib belgilandi.

Ushbu sohada 2021-2022 yillar uchun sun’iy intellektni rivojlantirishning fundamental asoslarini ishlab chiqish va maqsadli tizimlashtirish vazifalari belgilandi.

Sun’iy intellekt texnologiyalari yordamida mamlakat iqtisodiyotini rivojlantirish va sun’iy intellekt sohalarida kadrlarning ilmiy hamda intellektual salohiyatini oshirishda 2021-2022 yillar uchun O‘zbekistonda sun’iy intellektni rivojlantirishning 4 ta asosiy ustuvor yo‘nalishi belgilandi.

Ular me’yoriy-huquqiy va axloqiy munosabatlarda fundamental asoslarni tartibga solish, axborotlashgan jamiyatni bosqichmabosqich shakllantirish, kadrlar tayyorlashda ta’lim islohotlari va ilmiy tadqiqot faoliyatini rag‘batlantirish, raqamli mahsulotlarni ishlab chiqarishni qo‘llab-quvvatlash va smart industriyadir.

O‘zbekiston Respublikasi Vazirlar Mahkamasining 2019 yil 18 yanvardagi 48-son qarori bilan O‘zbekiston Respublikasida 2019-2021 yillarda “Aqlli shahar” texnologiyalarini joriy etish kontseptsiyasi tasdiqlandi.

Ushbu kontseptsiya bo‘yicha bugungi kunda Toshkent shahrida "Xavfsiz shahar", "Aqlli hisoblagichlar", "Aqlli transport", "Aqlli tibbiyot" yo‘nalishlari bo‘yicha dastlabki sinov loyihalarini rejalashtirish va amalga oshirish yo‘lga qo‘yilmoqda. Nurafshon shahrida zamonaviy shahar infratuzilmasini joriy etish bo‘yicha keng qamrovli ishlar bilan birga "Tashkent City" va "Delta City" loyihalari doirasida zamonaviy shaharsozlik infratuzilmasini joriy etish bo‘yicha kompleks ishlar amalga oshirilmoqda.