Koreysshunoslik. 1991-yilda O‘zbekiston Respublikasi o‘z mustaqilligini qo‘lga kiritgandan so‘ng, Koreya Respublikasi va O‘zbekiston Respublikasi o‘rtasidagi o‘zaro samarali hamkorlikni yo‘lga qo‘yish maqsadida Toshkent davlat sharqshunoslik instituti qoshida koreys filologiyasi kafedrasi tashkil etildi. Dastlab, u yapon filologiyasi kafedrasi tarkibiga kiritilgan. 1992-yildan boshlab alohida kafedra sifatida faoliyat britib kelmoqda. 1991-yildan 2004-yilga fadar kafedrani Kim Mun Uk boshqargan. 2004-yildan 2015-yilga fadar kafedrani f.f.d., dots. Kim Viktoriya Nikiforovna boshqardi.
Bugungi kunda koreys filologiyasi kafedrasi keng ko‘lamdagi mutaxassislar bo‘yicha filolog-koreyashunoslarni tayyorlovchi markaz hisoblanadi. O‘zbekistondagi koreysshunoslikni rivojlantirishning dastlabki bosqichida milliy kadrlarga bo‘lgan ehtiyoj juda katta bo‘lgan bo‘lsa, hozirgi kunda bu masala o‘zining to‘liq yechimini topdi. Ularning asosiy qismini Toshkent davlat shaqshunoslik institutining dastlabki filologik bilimga ega bo‘lgan bitiruvchilari, Koreya Respublikasidan maxsus ma’ruzalar o‘qish uchun taklif qilingan «KOICA» tashkiloti volontyorlari hamda «Korea Foundation» fondi tomonidan taklif qilingan professor-o‘qituvchilari tashkil etadi.
Yaponshunoslik. Yapon filologiya kafedrasi 1992-yilda tashkil etilgan bo‘lib, nafaqat O‘zbekistonda, balki butun O‘rta Osiyoda yapon tili o‘qitish bo‘yicha ochilgan birinchi o‘quv maskani hisoblanadi. Kafedraning birinchi mudiri dotsent Kim Mun Uk edi. 1993-1999 yillarda kafedraga filologiya fanlari nomzodi N.Pak, 2000-2010 yillarda M.Ibrohimova, 2011-2013 yillarda filologiya fandari nomzodi dotsenti N.D.Kim, 2013-2014 yillarda katta o‘qituvchi N.Xalmurzayeva, 2014-2018-yillar davomida E.Matchonov mudirlik qildi. Hozirgi kunda kafedraga PhD Nodira Xalmurzayeca rahbarlik qilmoqda.
Hozirgi kunda kafedrada ishlayotgan o‘qituvchilarning aksariyati aynan yapon filologiya kafedrasining bitiruvchilaridir. Kafedrada faoliyat ko‘rsatib kelayotgan yosh va malakali o‘qituvchilar o‘z kasbiga fidokorligi bilan ajralib turadi. Bu o‘qituvchilar bilan bir qatorda kafedra tashkil etilgan birinchi kundan boshlab o‘z hissasini talabalarni malakali va sifatli tayyorlashga qo‘shayotgan yaponiyalik mutaxassis Sugano Reyko ham tinmay izlanishlardadir. Uning O‘zbekistonda yaponshunoslikni rivojlanishga qo‘shgan hissasini alohida e’tiborga olinib 2014 yilda u O‘zbekiston Respublikasining Birinchi Prezidenti Islom Karimov tomonidan “Do‘stlik” ordeni bilan taqdirlangan. Sugano Reykoning yapon kafedrasi o‘qituvchilari bilan xamkorlikda 2010 yilda nashr etilgan “Yapon tili darsligi” nomli 1-2 qismli kitobi hozirgi kunda kafedra o‘qituvchilari va talabalari tomonidan foydalanilmoqda.
Turkshunoslik. Turk filologiyasi kafedrasi dastlab 1990-yilda Oltoyshunoslik nomi bilan tashkil etilgan. 1991- yildan kafedra Turkiy tillar nomi bilan ataldi. 2020-yilda kafedra nomi Turk filologiyasi deb nomlandi. Oltoyshunoslik kafedrasida uyg’ur, turk, koreys, yapon tillari o‘qitilgan. Keyinchalik, bu yo‘nalishlar mustaqil bo‘lib ajralib chiqdi: turk filologiyasi, uyg’urshunoslik.
Bugungi kunda Turk filologiyasi kafedrasi elimizda turkshunoslik yo‘nalishida ta’lim berayotgan va ilmiy izlanish olib borayotgan yetakchi markazdir.
FOYDALANILGAN ADABIYOTLAR
O’zbekiston milliy ensikopediysi 2000-2005 y
Oʻzbekiston sharqshunoslari, T., 1996.
Internet ma’lumotlari asosida
Do'stlaringiz bilan baham: |