Режа: Режалаш ишлари мохияти

13-мавзу: Бино иншоотлар лойиҳасини жойига кўчиришда бажариладиган геодезик ишлар
Режа:

1. 
   Режалаш ишлари мохияти
   
2. 
   Лойихани жойга қўчириш учун асос ва режалаш чизмасини тайёрлаш
   
3. 
   Лойихавий бурчакни ва чизик узунлигини жойга қўчириш
   

1. 
   Режалаш ишлари мохияти
   

Мелиоратив иншоотлар қуриш учун сув омборлари чегаралари, тўғонлар, манбадан сув оладиган иншоотлар, суғориш ва зах қочириш тармоғи каналлари трассалари, улардаги иншоотлар, ер текислаш лойиҳалари, майдонлар чегаралари жойга кўчирилади. Лойиҳалаштирилган иншоот планли ва баландлик ўрнини жойда аниқловчи нуқта ва чизиқларни топиш ҳамда белгилашга иншоотни режалаш дейилади. Иншоотларни режалаш ишлари берилган бурчаклар, чизиқ узунликлари, нуқталар баландликлари, чизиқ ва текисликлар нишабликларини жойга кўчириш ишларини ўз ичига олади. Иншоот лойиҳасини жойга кўчириш учун керакли қийматлар лойиҳалашда тузиладиган режалаш чизмаларида кўрсатилади.
Техник жиҳатдан лойиҳани жойга кўчириш горизонтал ва вертикал съёмкалар учун бажарилган амалларни тескари тартибда олиб боришдан иборат бўлади. Агар съёмкада ва план тузишда ер турлари ва уларнинг чегаралари ва бошқа тафсилот элементлари планга туширилса, лойиҳани жойга кўчиришда эса бу чегара ва тафсилот элементлари пландан жойга кўчирилади. Бунинг учун керакли бўлган чизиқ узунликлари ва бошқа қийматлар пландан олинади. Шунинг учун ҳам 9.2-§ да келтирилган тафсилотни съёмка қилиш усуллари (9.2-расм) айланиш усули, чизиқда ўлчаш, тўғри бурчакли ва қутб координаталар, бурчакли ва чизиқли кестирмалар усуллари лойиҳани жойга кўчиришда ҳам қўлланилади. Нуқталар баландликлари ва чизиқлар нишабликларини жойга кўчириш нисбий баландликларни жойда ясашдан иборат бўлади. Лойиҳани жойга кўчиришда иншоотни қидирув ва лойиҳалаш учун барпо этилган геодезик таянч тармоқлари пунктларидан фойдаланилади, зарур бўлса, улар аниқлиги иншоотни қуриш учун етарли зичликкача ривожлантирилади.

2.