Режа: Режалаш ишлари мохияти

Лойихавий бурчакни ва чизик узунлигини жойга қўчириш

Лойиҳавий нуқтанинг жойдаги ўрни кўпинча қутб координаталари усулида А нуқтада лойиҳавий бурчакни ва лойиҳавий А_а=S масофани ясашдан иборат. Ўнг бурчакни ясаш учун теодолит бошланғич А нуқтага ўрнатилади (11. -расм) алидада ва лимб нолинчи штрихлари туташтирилади ва лимбни (алидада билан) бураш орқали кўриш трубаси бошланғич йўналиш бўйича В нуқтага қаратилади. Кейин алидада бўшатилиб унинг штрихи бурчак катталигини белгиловчи лимб штрихи билан туташгунча буралади. Бунда кўриш трубаси N₁ нуқтада йўналган бўлади.
Агар чап бурчак ясалаётган бўлса, унда алидада нолинчи штрихи бурчак катталигини белгиловчи лимб штрихи билан туташтирилади ва лимб (алидада билан) бураш орқали кўриш трубаси бошланғич йўналиш бўйича В нуқтага йўналтирилади. Кейин алидада бўшатилиб, у алидада штрихи лимб нолинчи штрихи билан туташгунча буралади.
Бундай ҳолатда труба қараш ўқи лойиҳавий N₂ нуқтани кўрсатади. Кўрсатилган йўналишда S чизиқ узунлигидан каттароқ бўлган масофа ўнг ва чап бурчакларни ясаш натижасида теодолит бўйича иккита веха қўйилади. Уларнинг икки ҳолатидан ўртачаси N нуқта топилади. Бу йўналиш бўйича А нуқтадан горизонтал қўйилиши S_Аа лойиҳавий қийматга тенг бўлган қия D_Aa=S/cоsv масофа лентада ўлчанади, теодолит бўйича унинг учига а нуқта ҳолатини маҳкамлайдиган белги қўйилади. Чизиқ узунлиги қайта ўлчаш орқали текширилади.