Reja: Proyeksiyalar tekisliklarini almashtirish usuli

6.5.  Geometrik  shaklni  proyeksiyalar  tekisliklariga  tegishli  o'q  atrofida 

aylantirish (tekislikning izi atrofida aylantirish). 

Aylantirish  o'qi  sifatida  umumiy  vaziyatdagi  tekislikning  gorizontal  yoki 

frontal  izi  qabul  qilinadi  (104-rasm).  Bu  tekislik  biror  izi  atrofida  aylantirilib, 

proyeksiyalar  tekisliklarining  biriga  jipslashtiriladi.  Agar  aylantirish  o'qi  sifatida 

tekislikning  gorizontal  izi  qabul  qilinsa,  bu  tekislikni  gorizontal  proyeksiyalar 

tekisligi  bilan  jipslashtirish  mumkin.  Shuningdek,  tekislikni  frontal  izi  atrofida 

aylantirib, uni frontal proyeksiyalar tekisligiga jipslashtiriladi. 

Tekisliklarni  proyeksiyalar  tekisligiga  jipslashtirish  yo'li  bilan  mazkur 

tekislikka  tegishli  bo'lgan  geometrik  shakllarning  haqiqiy  o'lchamini  aniqlash 

mumkin  yoki  umumiy  vaziyatida  berilgan  tekislikda  talab  qilingan  har  qanday 

geometrik shaklni yasash mumkin.