Режа: Ҳомиладорликда аёллар организмида руй берадиган ўзгаришлар ҳомиладорлик даврида моддалар алмашинуви

ҲОМИЛАДОРЛИК ДАВРИДА МОДДАЛАР АЛМАШИНУВИ
Бу даврда аёллар организмида орган ва системалар функцияси ўзгариши билан бирга моддалар алмашинуви ҳам ўзгаради.
Ҳаво алмашинуви. Хорион киприклари оралиғида, киприк капиллярлари деворининг жуда юпқа пардаси ва уларни қоплаб турган эпителийлар ёрдамида она билан ҳомила қони ўртасида яқин алоқа боғланади. Аммо она қони билан ҳомила қони аралашмайди, чунки ҳар биринииг ўзига хос қон айланиш системаси мавжуд. Ҳаво алмашинуви асосан кислород алмашувидан иборатдир. Она организмидаги кислороднинг бир қисмини ҳомила ўзлаштиради, шу туфайли ҳомиладор аёл организмининг кислородга бўлган эҳтиёжи жуда ортади.
Оқсил алмашинуви . Ҳомиладор аёл организмидаги оқсил моддалар ҳомиладорлик даврида (айниқса биринчи ярмида) бачадоннинг ўсиши ва сут безларининг ривожланиши учун-зарур бўлган махсус оқсил моддаларни ишлаб чиқаришга, кейинчалик эса ҳомиладор организмида ҳомила тўқимаси ва органларнинг ташкил топишига сарфланади. Бундан ташқари, туғиш ва чақалоқни эмизиш вақтида (туққандан кейинги 1 —1,5 йил давомида) она организмидан сарф бўладиган оқсилни тиклаш учун оқсил моддаларнииг бир қисми сақланади. Одатда ҳомиладорлик даврида оқсил алмашинуви сусаяди, шунга кўра у оқсилга бой ҳайвонот маҳсулотларини кўп тановул қилиши ярамайди, чунки ҳомиладор организмида оқсил кўпайса зарарли таъсир кўрсатадиган оралиқ маҳсулотлар (тўла парчаланмаган оқсиллар) тўпланиши мумкин. Шунга. кўра бошқа турдаги оқсиллардан фойдаланиш керак.
Минерал тузлар алмашинуви. Ҳомиладор аёл организмидаги тўқималарда, айниқса ҳомиладорликнинг иккинчи ярмида сув ва хлоридлар кўпаяди. Бу иккала омил тўқималарнинг қайишқоқлик ҳусусиятини оширади ва туғруқ вақтида ҳомиланинг туғиш йўлларидан ўтиши осонлашади.
Ҳомиладор ва ҳомила учун кальций, натрий, калий, фосфор, магний ва темир тузлари керак бўлади. Кальций тузлари ҳомила скелетининг суякланишига сарфланади. Агар она организмига кальций тузи етарли миқдорда тушмаса, ҳомила скелети турли ўзгаришларга учрайди.