Reja: Mustaqil O’zbekiston Respublikasida ta’lim tizimi

Oliy o’quv yurtidan keyingi ta’lim – vazifasi jamiyatning oliy malakali va ilmiy-pedagogik kadrlarga bo’lgan ehtiyojlarini qondirishga, shaxsning ijodiy ta’lim, kasb –hunar manfaatlarini qanoatlantirishga qaratilgan. Oliy o’quv yurtidan keyingi ta’lim oliy o’quv yurtlari va ilmiy-tekshirish muassisalarida (aspirantura, ad’yunktura, doktorantura) olinishi mumkin. Oliy o’quv yurtidan keyingi ta’lim bosqichlari (aspirantura va doktorantura) dissertatsiya himoyasi bilan yakunlanadi. YAkuniy davlat attestatsiyasi natijalariga ko’ra tegishli ravishda fan nomzodi va fan doktori ilmiy darajasi berilib, davlat tamonidan tasdiqlangan namunadagi diplomlar topshiriladi.

Kadrlar malakasini oshirish va ularni qayta tayyorlash – bozor iqtisodiyoti, raqobat,texnika va texnologiyalar jadal o’zgarayotgan sharoitda kadrlar malakasini oshirish va ularni qayta tayyorlash katta ahamiyat kasb etadi. Mutaxassislarning malakasini oshirish va ularni qayta tayyorlash universitetlarda, malaka oshirish institutlari va professional qayta tayyorlash huquqiga ega bo’lgan o’quv markazlarida amalga oshiriladi. Kadrlar malakasini oshirish va ularni qayta tayyorlash ishlab chiqarishdan ajralgan va qisman ajralmagan holda bo’lishi mumkin. Kadrlar malakasini oshirish va ularni qayta tayyorlash jarayoni yakuniy attestatsiya bilan tugallanadi.
Maktabdan tashqari ta’lim – uzliksiz ta’lim tizimi turlaridan biri. Maktabdan tashqari ta’lim muassasalariga bolalar, o’smirlar ijodiyoti saroylari, uylari, klublari va markazlari, bolalar va o’smirlar sport maktablari, musiqa va san’at maktablari, studiyalar va boshqa muassasalar kiradi. Kadrlar tayyorlash milliy dasturi asosida maktabdan tashqari ta’lim muassasalari faoliyatini yanada takomillashtirish, ta’lim-tarbiya samaradorligini oshirish, bolalarning bo’sh vaqtini mazmunli hamda foydali o’tkazish maqsadida ta’lim berish va kamol toptirishga yo’naltirilgan xizmatlar ko’rsatuvchi muassasalar tarmog’ini kengaytirish va bunday xizmatlar turlarini ko’paytirish, milliy pedagogik qadriyatlarga asoslangan va jahondagi ilg’or tajribani inobatga oluvchi dastur va uslubiy materiallar ishlab chiqish, o’quvchilarning ommaviy sport va jismoniy tarbiya, bolalar turizmining, xalq hunarmandchiligining mavjud turlari va shakllarini takomillashtirish hamda amaliyotga joriy etish bo’yicha tadbirlar amalga oshirilmoqda.\