Reja: Modulli o‘qitishning moxiyati

12-Mavzu. MODULLI O‘QITISH TEXNOLOGIYASI.
MODULLI O’QITISHNING MOHIYATI, TAMOYILLARI VA YONDASHUV TURLARI.
Reja:
1. Modulli o‘qitishning moxiyati
2. Modulli o’qitish tamoyillari
3. Fanga oid modulli o’qitish texnologiyalar
4. Tizimli faoliyat yondashuvi asosidagi modulli o‘qitish texnologiyasi
Tayanch iboralar: modul, modulli o’qitish, modulli o’qitish texnologiyasi, modulli o’qitish tamoyillari, yondashuv Modul, faoliyatlik tamoyili, tinglik va teng huquqlik tamoyili, tizimli kvantlash tamoyili, muamolik tamoyili, kognitiv vizuallik tamoyili, xatoliklarga tayanish tamoyili, motivatsiya tamoyili, modullik tamoiyli, o‘quv vaqtini tejash tamoyili, texnologik tamoyil, uzviylik tamoyili, fan bo‘yicha faoliyat yondashuvi asosidagi modulli o‘qitish texnologiyasi, tizimli faoliyat yondashuvi asosidagi modulli o‘qitish texnologiyasi, modulli blok, modulli dastur tuzilmasi, muvofiqlashtiruvchi blok, axborot-yo‘riqlar bloki, nazorat bloki, modulli o‘qitish dasturi.
Modulli_o‘qitishning_moxiyati__«Modulli_o‘qitish»'>1. Modulli o‘qitishning moxiyati
«Modulli o‘qitish» termini xalqaro tushuncha - modul bilan bog‘liq bo‘lib («modul», lat. modulus), uning bitta ma’nosi faoliyat ko‘rsata oladigan o‘zaro chambarchas bog‘liq elementlardan iborat bo‘lgan tugunni bildiradi. Bu ma’noda u modulli o‘qitishning asosiy vositasi sifatida, tugallangan axborot bloki sifatida tushuniladi.
Modul – bu fanning fundamental tushunchasini takdim etadi: muayyan jarayoni yoki qonuni, bo‘limi, muayyan katta mavzusi, o‘zaro bog‘liq tushunchalar guruhidir.
Modul – bu fanning bir yoki bir necha tushunchalarni o‘zlashtirishga yo‘naltirilgan, ishlab chiqilgan tamoyillar asosida shakllangan mantiqan tugallangan o‘quv materialidir.
1982 y. YUNESKOning anjumandagi ma’ruzasida modulga “Mashqlarni xususiy tezlikda diqqat bilan tanishish va ketma-ket o‘rganish orqali individual yoki guruh mashg‘ulotlarida bir yoki bir necha malakaga ega bo‘lish uchun mo‘ljallangan alohida o‘rgatuvi paket (to‘plam)” deb ta’rif berilgan edi.
Modulli o‘qitish – o‘qitishning istiqbolli tizimlaridan biri hisoblanadi, chunki u odam bosh miyasining o‘zlashtirish tizimga eng yaxshi moslashgandir.